روايات كاملة

رواية أنثى من نار الفصل الخامس والسادس 5&6 بقلم مرفت السيد

رواية أنثى من نار الفصل الخامس والسادس 5&6 بقلم مرفت السيد

رواية أنثى من نار الجزء الخامس والسادس

رواية أنثى من البارت الخامس والسادس

رواية أنثى من نار كامله (جميع فصول الروايه) بقلم مرفت السيد
رواية أنثى من نار كامله (جميع فصول الروايه) بقلم مرفت السيد

 

رواية أنثى من نار الحلقه الخامسه والسادسه

 

 

لقيت باسم لسة باضحك وهاحضنه
لقيت معاه عدي واقف بعيد عن العين السحرية وبيبتسم
اتخضيت باسم قالي: شوفتي عدي جابلي لعبة وقالي تعالى نسلم على حلا
عدي وشه احمر وحاول يداري احراجه وقالي: البقاء لله انا كنت جاي لعمي وليكم انتي وحبيبة عشان اعزيكم
قولتله:ووقفت ليه بعيد عن العين السحرية
قالي: دي فكرة باسم
باسم: ايوة انا قولتله تعالى نخضها زي مابعمل كل مرة
قولتله: الدوام لله شكرآ على تعبك بس بابا نزل من شوية
قال: انا اسف انا هنزل لو احتجتي حاجة متتردديش تندهي عليا انا عاوز اديلك رقمي ولكن محرج
قولتله: مقدرش اقبل الا بإذن بابا
نزل وهو وشه احمر من الاحراج
دخلت وانا مستغربة من تصرفاته واتطمنت على البنات لقيتهم نامو غطيتهم وطلعت
شوية وسمعت زعيق وبنت بتصرخ وصوت جدي وعمي وعدي وزعيق جامد
طلعت بهدوء اشوف في ايه بس من عالسلم منزلتش
لقيت عدي ماسك. نور اخته عاوز يموتها وابوه وعمي محمد ومجدي ابنه مش قادرين عليه وبيسألوه طب فهمنا عملت اي
وهو بيلطشها بالاقلام وماسكها من شعرها
وهي بتصوت وبتقول معملتش حاجة
واخيرا جدي تدخل وقدر يقنعه يسيبها فادية مرات عمي اخدتها عندها
جدي قاله فهمنا بقى في ايه
وهو مسك الفون بتاعها وقال:
شوف ياجدي الهانم بتعمل فيديوهات تيك توك عالنت وهي شبه قالعه وبتكلم شاب وبتتصورله
انا دخلت عليها على غفلة وسحبت الفون وشوفت كل حاجة عاجبك كدة يابابا هي دي تربيتك انت وماما
وفجأة جري عالسلم وقال انا لازم اربي الكلب دة كمان
جدي اجري وراه يامجدي متسيبهوش لوحده ليرتكب جريمه
مجدي جري وراه عمي منصور انهار وقعد. مكانه وهو مصدوم وجدي قال: لاحول ولاقوة الابالله
عمي محمد قاله: قوم يااخويا تعالى وكل حاجة هاتتحل بالعقل كدة
في لحظة رجوع بابا لقى الزحمة عالسلم سأل: مالكم في إيه ياجماعة
عمىي منصور اتكسف وسابهم ودخل شقته وهو تايه كدة ومصدوم
جدي قاله: البنت نور الطايشة دي اخوها كان هايقتلها بسبب النت
وحكى لبابا الي حصل وبابا قاله: كدة غلط بس ارجع واقول رقابة الأم ثم الأب هي الأهم طيب انا هطلع وشوية هنزل اتطمن على عدي الولد. دة كويس بس اخته دلعها من الام والاب هايضيعها وياما قلت لمنصور صاحبهم بحزم مفيش فايدة
الجد: ربنا يصلح حاله وحال عياله ومراته اطلع انت لولادك ولو في جديد. هكلمك
طلع بابا وهو متضايق من الي حصل وانا قولتله اني سمعت واتضايقت جدا وحكيتله على الي حصل من عدي
بابا وشه اتغير بس ابتسم وقالي: باسم لازم يغير العادة دي بلاش تفتحيله تاني عشان متتعرضيش لموقف زي دة ياحبيبتي
طمنيني على حبيبة
: ذاكرت هي ومنار ونامو انا هحضر العشا
حضرت العشا وبابا باس على دماغي وقالي: ربنا يحفظك تصبحي علي خير
تاني يوم عرفت من بابا ان عدي حبس الولد بتهمة ابتزاز قاصر عالنت لأن الولد. كان بيهددها بصورها وقدم لنورا على تأجيل من الدراسة ونورا من يومها في شقتهم مش بتظهر خالص ولاعدي بقى يظهر تقريبا مكسوف
عدا شهر والبيت اصبح معسكر مابين المذاكرة وامتحاناتي انا وحبيبة وبابا كان بيصلي ويدعيلنا طول الليل ويصحى من نومه يتطمن عليا ويعملي سندوتشات ونسكافيه
وماركزتش ايه الي بيحصل بالبيت الكل مشغول باولاده والامتحانات لأن جدي بيشجع اولاده على الاهتمام. بالتعليم
حبيبة ومنار نجحوا بتفوق الحمد لله
واخيرا خلصت الامتحانات وبانتظار النتيجة وطبعا الكل على اعصابه
ويوم ظهور النتيجة كنت على اعصابي وقاعدة مع. جدي ااي كان لايقل قلقه عني ومنتظرين عودة بابا بالنتيجة مكنتش قادرة اتمالك اعصابي من التوتر وبنتصل ببابا مش بيرد
والبيت. كله مستني معايا وبيدعولي
لحد مابابا رجع من برة وشه مفيش عليه اي ريأكشن
قولتله بلهفة: طمني يابابا
جدي: منير حصل ايه انطق
وهو ساكت وبيبصلنا مرات عمي قالتله: احنا على اعصابنا
واخيرا قال…..
مبروك ياحبيبتي نجحتي وبتفوق كمان عقبال الشهادة
قولتله: بجد اللهم لك الحمد
مرات عمي اطلقت زغروطة من الفرحة
باباكان عاوز يدبح عجل ويوزع على اهل المنطقة احتفالا بنجاحي بس قولتله هليها قي الشهادة بقى
واحنا بنضحك وفرحانين ومجدي قال: عقبالي اما اعدي نضيف كدة ويدبحولي ولو فرخة حتى اتفاجئنا بعني منصور داخل علينا ومعاه ????منال
عمي قال: السلام عليكم
الكل سكت وكلنا بصينا لبعض ومحدش نطق
غير جدي قال: عليكم السلام إيه اللي رجع الست دي هنا
منصور: وماله لما ترجع دي مراتي يابابا حتى لو غلطت يعني ايه امو… تها مثلا
عمي محمد قاله: لا ياشيخ هو دة ردك على غلطها
كل دة ومنال ساكتة وواقفة على العتبة
رد. جدي: بدل ماتتربى وترجع ندمانة وتعترف بغلطها وتندم لربنا عن الشرك الي عملته
انا وبابا بنتابع الموقف لحد. مابصلي بصة معناها ياللا بينا قمت انا وحبيبة عشان نطلع
اتفاجئنا بعدي داخل واستغرب لما شاف امه
الي اترمت في حضنه وعيطت
وقالتله: كدة متسألش عني
قالها: حمد الله على السلامة بس ياترى راجعتي نفسك ياامي عرفتي ان اسلوبك بالتربية دخلنا بمشاكل تحني رؤوسنا قدام الكل عرفتي بنتك والي عملته سببه الاول تربيتك الغلط ليها.
منال ومنصور مذهولين من موقف عدي الي سابهم ودخل شقته وهو بيقول: عن لذنكم ياجماعة انا مرهق ووجه كلامه لوالديه قائلا: وبعدين انا باكلم مين بس الكلام ضايع معاكم
منصور قال لمنال: ادخلي ياللا
بقلم مرفت السيد
كل اسرة اتجهت لشقتها واحنا طلعنا شقتنا بهدوء ولما دخلنا بابا قالي: زي مااتفقنا ملناش دعوة بمرات عمك دي خالص
قولتله:طبعا هي بحالها واحنا بحالنا
بابا كمل: المهم ان شاء الله كمان اسبوع وهنسافر لخالكم يابنات لأنه اتصل بيا وعاوزنا نروحله زي مااتفقنا
وبعدين. طلع ظرف وقالي: دة قبضي من جمعية كنت عاملها عشان تنزلي انتي واختك تشترو كل مايلزمكم
حبيبة وانا بوسنا راسه وقولتله: بابا انا كنت عاوزة استأذنك في حاجة
ممكن اسحب جزء من فلوسي ونعمل مشروع صغير كدة لينا واشتغل فيه انا وانت وحبيبة نتسلي بالاجازة
بابا: هو انا قصرت معاكم
لا ياحبيبي بس….
: مفيش بس
حبيبة: يابابا نزود دخلنا ونتسلى
والنبي يابابا
: هافكر بس خلوا الكلام دة لوقته بعد. مانرجع من. عند خالكم
تاني يوم قررنا ننزل وناخد معانا منار وبابا لسة بيسوق بينا لقى العربية اتعطلت
نزل عدي الي كان متابع الموقف وعرض علينا يوصلنا
وبابا وافق و قبل ماننطلق عدي قال: هل لو جبت نورا معايا هاتضايقو
باباقاله: براحتك يابني
قالي: ممكن ياحلا عاوزك تساعديها تختار لبس محتشم وشيك شبهك
قولتله اوك
طلع وشوية نزل بيها كانت ساكتة بس عنيها كلها حقد اول ماركبت اخوها قالها بحزم: ها يانورا
قالت: ازيك ياعمي ازيك ياحلا انتي وحبيبة ومنارمبروك على النجاح
ردينا عليها وسكتنا وصلنا المول وبابا وعدي قعدو على كافيه وسمخولنا نروح لوحدنا وهايتابعوناوقبل مانمشي عدي قالي بهمس وبابا كان سامع كل الحوار: خدي بالك. منها وخدي دة الكريدت بتاعي خليها تختار كل الي هي عاوزاه هاتعبك معلش
بابا قال: تعبك راحة ربنا يصلح حالها
ابتسمت وقولتله: متقلقش
بدأنا التسوق كنت بابص على نورا الاقيها مندمجة معانا بالاختيار لمنار وحبيبة
وبعد. ماخلصنا البنات ورجعناهم لبابا غشان منتلخمش و رجعنا دخلنا محل ملابس وبدأنا نختار ودخلت انا ونورا كل واحدة مننا غرفةالقياس
خلصت وطلعت ملقتهاش توقعت انها خلصت ومستنياني برة
خرجت برة غرفة القياس . عشان اتفاجيء ب…………
وكانت صدمة بكل المقاييس

مقالات ذات صلة

تعليق واحد

  1. يعنى انا قرات قصه وعجبتنى عايز اكملها تقولولى ادخل على تليجرام وانا مش محمل البرنامج ده ولا بحبه اصلا وادخل فى حوارات مالهاش لازمة ليه يعنى حد يدينى تفسير كل ما ادخل على موقع يقولى على تليجرام لا بلاش منها خالص

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق