اشعار بدويه عن الاب – روايات غرام خليجية

يا بوي جعلك للبقا والمكاسيب
عمري بدونك يالذّرا ويش أبي به
يا بوي تسأل عن شفاك المراقيب
طلعة سواتك للنوايف غريب ليه
المرض ما يعرف الزين والعيب
ما يدري إنك للمخاليق هيبة
أبسألك وش به غزا وجهك الشيب
والقلب لايع والنواظر شحيبة
وش بك تحاتي لا نوى الموت
تغريب تخشى علينا بالليّالي الكئيبة
خذ دلتك واركي على مسند الجيب
وأعطني شماغك بلثمه وأحتمي به
ونروح لأرض بها العشب والطيب
وتسمع كلام يا الغلا تحتفي به
يا بوي بنتك لا انحكى بالتجاريب
كل يشق لهيبة الصّيت جيبة
يا بوي ماني من سوات المخاريب
اللي تجيب لعلية القوم خيبة
وماني من اللي لامشت حفها الريب
كأنا من اللي مايدنس حليبه
مرفوع شاني عن غرام المكاتيب

………………………

فيك المراجل مالها حدود وقياس
أعدها لكن ما أحصي عددها

قوي باس وطيب راس وفخر ساس
تجمعت بك يوم غيرك فقدها

يابوي كن المراجل لك فناجيل ودلال
وكن الزمن من هيبتك جا يقهويك

لو المناصب توخذ بطيب الأفعال
ترى المناصب كلها _ ما تكفيك