رواية أحببت مجرمة الفصل العشرون بقلم جهاد محمد حصريه وجديده على مدونة النجم المتوهج للروايات والمعلومات

“العائلة التى جئت منها هي قدرك .🤏

العائلة التى نويت تكوينها مسؤوليتك.🤏”

اتفقوا على موعد للخطوبة وبالليل مؤمن دخل الأوضة وحط رأسه على رجل رزان وهي بدأت تلعب في شعره الناعم 

مؤمن:- ايه رأيك نطلع شهر عسل 

رزان:- ايه؟؟

مؤمن:- احنا مش طلعنا بعد ما اتجوزنا خلاص نروح بعد فرح وعد وإياد

رزان:- يا سلام ومامتك وباباك 

مؤمن:- مالهم 

رزان:- هنسيبهم لوحدهم 

مؤمن:- وايه يعني هما صغيرين 

رزان:- مش قصدي بس 

مؤمن:- من غير بس خلاص انا قررت وبعدين يلا ننام ورانا يوم طويل بكرة 

_________________

وعند ملك وسيف كانوا سافروا و سيف اخد مامته معاه وملك كانت مرحبة بالموضوع  جدا 

وعد قامت من السرير هي أصلا منمتش طول الليل كانت بتجهز عشان الخطوبة وكانت متفقة هي ورزان انهم يروحوا يشتروا شوية هدوم 

نزلت:- صباح الخير 😊

باباها:-صباح النور على عروستنا 

وعد ابتسمت ونظرت لأمها قد ايه كانت تتمنى يكون عندها أم طيبة أم تحب لها الخير أم ميفرقش معاها غير ولادها لا يفرق معاه طبقات ولا نادي ولا أصحاب 

وعد:- هي فين رزان 

رزان وهي نازلة انا اهو 

وعد جريت عليها وحضنتها:- يلا بينا يلا 

رزان وهي بتضحك طب استني نفطر الأول 

وعد:- امم ماشي يلا 

مؤمن:- اي ده مفيش صباح الخير يا أبيه ولا ازيك يا أبيه ده انا حتى اللي مربيكي 

رزان:- يعني هي قالت انا دي اول كلمة قالتها يلا بينا 

وعد:- أنا آسفة صباح الخير يا أبيه صباح الخير يا روز

مؤمن:- صباح النور يا حبيبتي 

رزان:- صباح النور يا أحلى وعد في الدنيا 

قعدوا يفطروا بكل حب

بس هما وبيفطروا رزان حست انها عايزة تستفرغ وطلعت جري على الحمام 

مؤمن طلع وراها 

مؤمن بخوف:- رزان رزان أنتِ كويسة 

رزان بعد ما غسلت وشها:- أنا أنا كويسة 

فتحت الباب 

مؤمن أنتِ كويسة 

رزان اومأت برأسها بتعب 

مؤمن لا أنتِ مش كويسة تعالى هاخدك للدكتور 

رزان لا أنا كويسة ده تلاقيهم شوية برد مش أكتر 

يلا بينا عشان مش يقلقوا 

ماشي

وعد بخوف:- أنتِ كويسة 

رزان:- أنا كويسة

وعد:- لو مش قادرة خلاص اخد أسيل ونروح

رزان:- لا انا كويسة أسيل حامل دلوقتى مش هينفع تخرج

وعد:- ماشي يا حبيبتي 

رزان:- أنا طالع أغير هدومي 

رزان جهزت وحست بنغزة في قلبها بس تجاهلتها 

رزان:- يلا يا وعد 

رزان و وعد ذهبوا للمول 

صفاء طلعت أوضتها وقفلت الباب 

اتصلت على شخص 

صفاء:- هي خرجت دلوقتي نفذ اللي اتفقنا عليه

قفلت التليفون وافتكرت امبارح 

Flash Back 

صفاء بعد ما اياد وعيلته مشيوا:- الجوازة دي مش هتكمل بس ده مش هيحصل إلا لو رزان مشيت 

صفاء اتصلت بحد:- هبعت لك صورة تخلص عليها 

الشخص:- هتديني كام

صفاء:- اللي أنت عايزه 

أحببت مجرمة 

جهاد محمد 

صفاء:- فترة و وعد تنسى ومؤمن هجوزه دارين بنت رجل الأعمال المشهور هههههه وضحكت ضحكة شريرة(ولية حيزبونة بصحيح)

End Flash Back 

صفاء:-sorry يا رزان 

رزان و وعد كانوا خارجين رزان كانت بتكلم مؤمن في التليفون 

رزان:- ايوا احنا ماشين اهو 

مؤمن:- ماشي خلى بالكم من نفسكم 

كان هيقفل بس قبل ما يقفل سمع صوت وعد 

وعد شافت علامة على رزان رفعت نظرها ولقيت قناص مصوّب على رزان 

وعد زقت رزان واخدت مكانها الرصاصة 

وعد:- رزاااان 

رزان اتصدمت لما لقيت وعد وقفت قدامها واخدت الرصاصة عنها 

رزان:- وعد وعد أنت كويسة 

مؤمن:- رزان رزان حبيبتي أنتِ كويسة 

سمع صوت رزان وهي بتقول 

وعد وعد فوقي وعد 

مؤمن طلع يجري ركب العربية وفتح موقع تليفون رزان وانطلق بسيارته 

رزان:- وعد قومي متخافيش مش هيحصلك حاجه رزان افتكرت باباها وحمزة أخوها لا لا إنتِ هتكونِ كويسة والله قومي 

وعد:- ابقى قولي لمؤمن إني بحبه أوي وإياد كمان قوليله إني كان نفسي نتجوز بس بس خلاص 

رزان:- لا لا هتجوزوا  وهتقولِ لمؤمن أنك بتحبيه مش هيحصلك حاجه وعد وعد ليه عملتي كده

وعد:- مؤمن مكنش هيقدر يعيش من غيرك 

رزان:- بالله عليكِ بلاش كلام يلا بينا حد يساعدني نقومها يا جماعة وعد فتحي عينك وعد 😭😭😭

وعد:- أشهد أن لا إله إلا الله وأن محمد رسول الله 

رزان:-  لا لا وعد قومي لااااااا هقول ايه لاياد ومؤمن اقولهم ايه قومي طيب عشان باباكِ قومي يا وعد 😭😭 كانت بتعيط بطل حرقه

مؤمن وصل واتصدم من منظر أخته المرمية على الأرض و هي غرقانة في دمها 

مؤمن:- وعد وعد حبيبتي قومي قومي يا بابا 

مؤمن شالها وحطها في العربية ورزان ركبت معاه 

مؤمن دخل المستشفى:- دكتور دكتور بسرعة 

الدكتور وصل ومؤمن مسك فيه:- أختي لو مش طلعت سليمة ومفيهاش حلجه تترحم على روحك أنت فاهم 

سيف وملك سمعوا الخبر ونزلوا مصر بسرعة 

أسيل:- مؤمن فين وعد ها رد عليا هي كويسة صح 

حازم حضنها:- اهدى يا حبيبتي هي هتكون كويسة 

صفاء ومحمود وصلوا للمستشفى بعد ما عرفو الخبر من التليفزيون 

محمود:- مؤمن وعد أختك فين هي كويسة 

مؤمن كل ده ومكنش بينطق ب ولا كلمة 

رزان:- الدكتور لسه مخرجش 

صفاء مسكت في رزان:- أنتِ السبب بنتي لو حصلت لها حاجه انا هقتلك 

رزان كانت متفهمة حالتها كانت فاكره انها بتعمل كده من خوفها على بنتها 

رزان بصت للكل مؤمن واللي متحركش ولا اتكلم من ساعة ما جو وإياد اللي قاعد علي جنب وضمم رجله أسيل واللي بتعيط 

الدكتور بعد شوية خرج 

مؤمن جري عليه

الدكتور:- أنا آسف البقاء لله ربنا يرحمها ويصبركم 

إياد سمع ده واغمى عليه 

مؤمن:- مسك فيه أنت بتقول ايه أنت مجنون صح هي كويسة 

سيف واللي كان وصل من شوية اخدوا في حضنه:- اهدى يا صحبي ربنا استرد أمانته 

مؤمن زقه ودخل لوعد 

لقاها على السرير جثة 

مؤمن وهو بيحاول يمسك دموعه بس مقدرش

مؤمن:- ليه ليه سبتيني أعيش ازاي أنا من غير جنانك ها طيب إياد مقدرش يستحمل ووقع طيب أنا أعمل إيه قومي يا حبيبتي😭😭

الممرضين جو :- مينفعش كده يا أستاذ دي ميتة حرام كده

مؤمن صرخ فيهم:- لا هي مش ميتة هي بس بتحب تعمل مقالب صح يا وعدي قومي 

رزان دخلت وشافت حالة مؤمن 

رزان:- مؤمن يا حبيبي لازم تكون قوي عشان باباك اللي اغمى عليه لما سمع الخبر ومامتك اللي منهارة برا دي 

مؤمن:- ازاي ازاي يا رزان دي حتة من قلبي 

رزان:- أنا عارفه ان الموضوع مش بالسهل بس انا معاك اهو ومش هسيبك رزان حضنته وهي بتعيط هي في مكان أحسن من هنا يلا يلا يا حبيبي عشان نخلى الممرضين يعملوا شغلهم 

رزان خرجت هي ومؤمنوراخت تتطمن على اياد 

الدكتور:- جت له صدمة احنا أدينا له مهدأ 

رزان خرجت تتطمن على محمود وعلى مؤمن 

مؤمن راح عند مامته واخدها في حضنه لأول مرة 

صفاء:- أختك ماتت يا مؤمن أختك سابتنا 

رزان ابتسمت من وسط دموعها وراحت تشوف محمود 

رزان:- هو عامل ايه يا دكتور دلوقتي 

الدكتور:- للاسف عنده انهيار عصبي شديد وده خطر في سنه 

رزان  قعدت وحطت ايدها على دماغها شافت حازم واقف بعيد 

رزان:- أستاذ حازم هي أسيل فين 

حازم:- أنا دخلتها أوضة الدكتورة قالت مينفعش تاخد مهدي وهي حامل هي نامت بعد ما كانت بتعيط وبتقول وعد مستحيل تسيبني 

رزان اخدت نفسها مكنتش عارفه تعمل ايه في الوقت ده هي ولتاني مرة حاسه بالعجز 

ملك حطت ايدها على كتفها 

رزان أول ما شافتها اخدتها في حضنها 

ملك اخدتها من ايدها وقعدوا على جنب 

رزان:- لتاني مرة حد بيموت قدام عيني وانا مش قادرة اعمل حاجه 

ملك:- ده عمرها أنتِ مش هتغيري حاجه 

رزان:- إياد ومؤمن والكل زعلان وانا حتى مش قادره أهون عليهم ولا أعملهم حاجه

ملك:- هتعملي ايه يعني هوني على نفسك يا حبيبتي كلهم زعلانين لازم يكون فيكم حد قوي ويستحمل واديكي شايفه مؤمن لازم تكونِ معاه في الوقت ده وتكوني عليه 

رزان اومأت برأسها انا سمعت ان خالتي حنان بتحبها اوي وهي كمان بتحبها هقول لها ازاي 

ملك:- مش عارفه سيف مرديش يقولها احنا نزلنا ليه عشان متقلقش مش عارفه هقولها ازاي 

يتبع