رواية دموع رجال معاريس -20

محمد:عيدج مبارك امايه

ام محمد حظنته:الله يبارك فيك يامحمد

محمد:هاه وينه ابويه مااجوفه من رديت من المسيد

ام محمد:سار لاخواتك فوق بيسلم عليهم

محمد:هالعيد وناسه امايه مو

ام محمد وهي تشوف فرحه محمد اللي من زمان ماشافتها بالاعياد:الله يديم هاي الفرحه

دخلت عليهم ام حمد وعيدواا على بعض ومحمد استاذن بيروح

في الدور اللي فوق

حمد بخوف:نواره ماتبين ترمسين بالسالفه

نوره وهي ترجف من الخوف:انه خايفه انه “ماعرفت شو تقول وانهارت تصيح”

حمد حضنها:نواره حبيبتي رمسي مايصير جي

نوره:…”بعد معاناه تكلمت”

حمد اللي انقهر:وليه مارمستي من ز مان

نوره اللي حست بالراحه يوم تكلمت لاخوها:انه كنت خايفه

حمد بحنان:لاتخافين دامي ويااج

……………………………

ليته درى صبحية العيد وش صار ’’

ياهي جرت لي من عذابي هوايل

يوم العذارى بيحن بعض الاسرار ’’

وجت السوالف بين قيل وقايل

هذي معايدها قبل وقت الاسحار ’’

وهذيك صاحبها عطاها رسايل

وهذي تقول انه لفا البيت زوار ’’

وهذيك راحت له زيارة عوايل

وهذي تفاخر في غلا الصاحب البار ’’

وتقول عايدها بكل الوسايل

وانا اطالع فوق ويمين ويسار ’’

بالعيد ما حتى مشطت الجدايل

بشقه جهاد

ميره كانت منسدحه على السرير تعبانه مزكمه وتنتظر جهاد اللي له يومين مو مبين صحيح ماتشوفه بس كان يكفيها انه جمبها ويسال عنها حضنت اللحاف اكثروهي تحبس الدمعه

لا يادمعتي ..رجيتك دقايق اصبري

ادري مشتاقه لوجوده

وضحكته ونظرة عيونه

بس دقايق رجيتك

لا تنزلي إلا بحضنه

لا يهزك إلا هروبه

لا يردك إلا جموده

لا تخلي الكل يناظر فيك وانتي مكسوره

اثقلي

انسي

موتي بعيني الف مره

بس لا تبيني عبرتي

وشوقي وعلى الماضي حسرتي

ادري مشتاقه لوجوده

وضحكته ونظرة عيونه بس رجيتك لا تنزلي

…هو فكر بالرحيل

وخلاني بجرحي اصيح

وخلاني اكتب انا المجروح على خدي بدمعتي

تجاهلي حتى الوفا

حتى إللي لقيتيه بحضنه من دفا

وش خذيتي من بعدها غير العنا

غير المذلة والألم

غير كسرة خاطري

حطي ايديك بيدي

وانسي

اوتجاهلي

ولو لقيتيه بمكان

على حضنه ارتمي

ارسمي بثوبه علامه

صيحي

ثوري

تجنني

انزلي لين يده

وعلميها قد ايش انا أشتقت

ايش قد انا في بعده تعبت

ايش قد سهرت وذكرت

علميه إني مانسيته

أجرحي خط يده من القهر

وقولي

لجلك نزلت

لجلك

موطني تركت

لجلك انت

صحت

لجلك لحد الموت تألمت

واصرخي واجرحي بعد اكثر

وثوري وموتي بيده

بس لا تبيني لغيره عبرتي

وشوقي وعلى الماضي حسرتي

كوني بيده ذليله

بس لغيره لا تنزلي

وصيحي بعد اكثر وقولي

يا نبضات قلبه رجيتك لا ترحلي

وحننيه وفهميه

اني صحت مليون مره

وباقي في عينه نظرة سؤال

انتي تبكين ليه؟؟؟؟؟؟؟؟؟؟؟؟؟؟؟

سمعت حس ملك

ملك:هلا والله كل عام وانت بخير

جهاد:وانتي بخير

دخل جهاد:شحالكم

ملك بابتسامه:انه بخير بس اللي داخل”وهمست له”مشتاقه لك وايد

جهاد فرح:والله سير لها

جهاد ابتسم وتقدم من الغرفه فتح الباب وانفجع من الظلام اللي فيها وانها موت بارده تقدم من اللي على السرير ميره طالعته تحاول تكابر بشوقها

لاكن جهاد عارف فجلس جمبها وقرب منهاومسك وجههابيدينه بوسها على وجهها لاكن هي حاولت تبعده وهو يقرب منها اكثر ويبوسها يعرف انها لما تكون زعلانه تكره هذي الحركه

جهاد مبتسم:ماوحشتج

ميره مرتبكه تحاول تجلس على حيلها لاكنه مو راضي لها وصاير مانعها بجسمه لاتقوم

جهادباسها:طب انا اشتقتلج واااااااااااااااااايد

وحضنهاوهو يبتسم لخاطره اكيد بس محتاج يدزها دزه وانشاء الله بترضى

جهاد حس بانفاسها الحاره على رقبته ذاب معها وحضنها اكثرصاحت بحضنه وهي ترجف من ققربه

الحب خالد وحبي خالد وباقي

للي احبه واحب دار سكن فيها

شلته في عيني وشلت الحب باعماقي

والروح بالشوق غنت له اغانيها

دوحه غرامي وزهر الحب باوراقي

تظمى عيني وشوفه بس يسقيها

احمل خفوقي واسافر له في اشواقي

واغلف اجمل مشاعر حب واهديها

………………………….

بيت بوذعار

كانت منسدحه على فراشها بعد مالبست ملابسها وعدلت شعرها تفكر بوضعها احين كييف تاخذ فهد وضاري اللي تحس انه ساكنها بعدين كييف تتجاهل اللي سواه لها قبل سنه مستحيل تاخذه هي بتكلم ابوها عل وعسى

حست باحد يدق الباب راحت فتحته طالعت باللي كان واقف ويطالعها نزلت راسها بالم وحزن

ذعار:ماتبين تعيدين على اخوج

رفعت راسها وطالعته شخص ثاني مو اخوها هالشخص دمعت عينها

ذعار تنرفز:عبالج انج بهاي الطريقه رااح تحصلين اللي ببالج لاء وملكتج الليله ويلاااا خلصي بنسير

غرام لفت وخذت عباتها ونزلت وراه مكسوره ومجروحهمن عزوتها

شافتهم كلهم متجمعين وشكلهم ينتظرونهاسلمت عليهم

بوذعار:حضرتي روحج لليوم

رفعت راسها لابوها بنظره مذبوحه وبهمس قالت:وعمرك سمعت ان ميت تزهب لموته

ماحست الا بكف حارق على خدها من قوته طيحها على اخوها حمدان اللي مايعرف شئ عن زواج غرام ومنصدم وشاهالاسلوب مع غرام مسكها

غرام طاحت دموعها اللي حبستهم:وربي ان موتي اهون من اني اتزوجه

بوذعار عصب:بتاخذينه غصب عنج فاهمه

غرام بعدت عن حمدان وركضت تبوس رجل ابوها:الله يخليك يبه ماباه مااباااه لاتعذبني لاتعذبني انه بنتك

غرام صاحت وهي متعلقه برجل ابوها وهي على الارض والكل يطالعها بعضهم برحمه وبعضهم بغضب مايبون يضعفون قدام توسلاتها

بوذعار بعدها عنه:رمستي ماني راد فيها فاهمه

……………………….

بيت ام سراب كانوا البنات مخلصين ومستعدين بس ينتظرون امهم

سراب:هههههههه مروه دخليج بس

مروه:اقول مو انه اللي اسكت

اروى:ابا اعرف انتي منو ماخليتيه اليوم الكل تخانقتي ويااهم

سراب:ههههههه حتى راجوا مسكين”دق جوالها”عن اذنكم بنات

وقامت

اروى:مروه شوفيج انتي مو طبيعيه

مروه:مدري بس احس اني متوتره مررررره

اروى:من شو

مروه:مو عارفه

*السلام عليكم

لفت مروه على الصوت اللي كهرب قلبها وحست بنبرته مو غريب

بهمس ودمعه تسحبت:ابويه

اروى لفت وبصدمه:ابويه

…………………………

بيت ام مجاهد

بغرفه مجاهد

قرب مجاهد من شروق اللي كانت باخر شياكه وحضنها باقوى طاقه عنده وغرقها بوس

شوق:مااااااااماااااااااااااااا

شروق اللي كانت بحضن مجاهد نقزت:بسم الله شوفيج شواقه

شوق تخصرت:بعدي عن ابويه

مجاهد ابتسم وهو يشوف غيره بنته من امها نزل يده وخلاها على خصرها وطالعها بهيام وهي تطالعه تعلقت نظراتهم ببعض وانفاسهم تحرق بعض رفعت شروق يدها وحطتها على رقبته وقربت وجهها منه اكثر

مجاهد:عيدج مبارك

شروق:الله يبارك فيك

حضنها وهو يتنهد وحط راسها على صدره وغمض عيونه وهويبتسم

شروق باست رقبته ومجاهد انصدم ففتح عيون وطالعها بفرحه

مجاهد:احبج

*انه ماااااااااحبكم مااباااااكم بسير لعند يدي

وطلعت برااا تصيح ضحكوااا عليها

مجاهد:شروق

شروق طالعته:عيونها

مجاهد كلاماته ماعدت توفي فغرقها تبويس وهو يهمس بحبها

تحت

بومجاهد:شواقه

شوق نطت بحظن جدها:يدي انه مااحب بابا

بومجاهد:افااااااااا ولييه شو مسوي لج

شوق مبرطمه:يدول حق ماما يحبها وانه مايحبني انه مااحبه بسير وياك عند يدتي

بومجاهد ضحك:هههههه فديتج اخذج ويايه ليه لاء

……………………………….

بالسعوديه

بشقه زياد

لاتخاف من الزمان .. الزمان ماله أمان

خاف من إلي كل أمالك في يديه وتامنه

لوحبيبك ماوفالك .. لوحبيبك فيك خان

أيش ترجي من زمانك النتيجة باينة

نكتشف مر الحقيقة .. بعد مايفوت الاوان

قلت لك لا تندفع لا .. قلت حبي صاينــة

وينــــة إلي صـــان حبك .. ماأشوفه يوم بآن

قلبـــك إلي هو قلــــبك .. لا تحسبك ضـــآمنة

لآ تعــذر باأحتياجك .. كلنا ناقـــص حنـــــان

كلنا طفـــل يتمنـــى .. إي شـــــخص يحضـــــنة

نبنـــــي الدنيـــــا وحنا .. نوقـــــف بنفس المكان

للاســـــفــــــ ينقـــــــــص وفآنا مع مرور الازمنة

كان زياد يكلم بدر بالجوال

بدر:كل عام وانت بخير

زياد :وانت بخير

بدر:هااه زيود منت ناوي تروح لاخوانك

زياد:لاه ماني قد اوجهم

بدر تنهد:الا ماقلت لي وين بتروح اليوم خبرك اليوم عيد

زياد تنهد:موعارف

بدر:زياد

زياد:هلا

بدر:مشكور على امس

زياد:شهالكلام بدر انت نسيت شسويت معااي

بدر:صحيح انه توي اعرف وافهم كلامك بصراحه حسيت نوعا ما بشئ من الراحه

زياد تنهد:كلنا كذا بدر دايما نتمنى الفرحه بس مانعر ف كيف ناخذها

………………………..

بيت بوشهاب وبو وسام

بغرفه راكان

راكان:طيب انا ماابي انزل

الجوري:ولييه

راكان بضيق:بس كذااا

الجوري جلست جمبه ومسكت يده:راكان يله قوم انزل ترااا هذي اخر جمعه بكراا بنروح لامريكا افهمني راكان

راكان:…….

الجوري:راكان عشان جيهان ترااهي مره فرحانه حراام تخرب فرحتها

راكان:طيب لحقيني وبعدها بنزل

الجوري بفرحه:والله طيب انا رايحه

رااحت للعطر ورشت لها منه وقربت من راكان وباسته على خده:يلااا حبيبي انا تحت

……………………

بغرفه احمد

احمد كانت عنده جيهان وجالس مستسلم لها قالت له الا اسوي لك غترتك “كانت جيهان مابعد تفتح شعرها بالفافات”

احمد :ههه جهينه بسرعه

جيهان:اصبر خلني اخلص والله قبل كنت اسوي لراكان مايقول شئ بس الحين طااح كرتي عنده

احمد مبتسم:بطيئه

جيهان:يلاااااا خلصنا

احمد وقف وطالع شكله بالمراايه كانت مره فنانه لف عليها مبتسم وقرص خدودها:شئ والله

جيهان:هههه زين عجبتك

احمد لف على المرايه وتوه بياخذعطر

جيهان:اصبر انا باحطلك على كيفي

وجلست تتنقى له عطر وهو يطالعها مبتسم في هذي الفتره الاخيره صارت علاقته فيها قويه مرره هو اللي طلع معها وعلى ذوقه بدله العيد بكاملها من الا وهي الي نقت له لون الثوب والغتره والجوتي

جيهان:ايييه هذا حلو”وحطت له “

احمد:ممم هذا هديه من عمي سعد

جيهان حطت لها منه:ههههه عشان نصير زي بعض

ولفت على المرايه وفتحت الرولاات الللي على شعرها

احمد:جيهانوووه

جيهان:همممممم

احمد:وين شعرك يالخايسه

جيهان طالعته:هااه”وضحكت”هههههههههههه صح انت ماتدري امس ابوي وداني المشغل وقالي تعدلي للعيد وعاد انا قصيت شعري

احمدمستغرب :ابوي غريبه

جيهان:حتى انا قلت كذاا

وطلعوا من الغرفه مع بعض وهم فرحانين

……………………….

اروى وقفت وهي تطالع وترجع لمروه تطالعها

اروى:مروووه ابويه

مروه:!!!!!!!!!!!!!!!!!!!!!

*انا محمد اخوكم

مروه واروى:!!!!!!!!!!!!!!!!!!!!!!!!!!!!!!!!

محمد قرب منهم ومسك يدهم وجلسهم:من مروه فيكم ومن اروى

مروه تطالعه منصدمه:انتى اخونا كييف

*مروووه اروووه اااا

لفوا كلهم على سراب اللي وقفت تطالع بمحمد الي كان نسخه عن ابوه جابر لدرجه ان مافي فرق

محمد ابتسم يخفي التوتر:تعالي سراب

سراب صوتها رااح وماعادت تقدر تتكلم

مروه تحس انها بتصيح خلاص ابوها اللي قدامها ابوها نفس نبره صوتها كل شئ

محمد كان يشرح لهم كل شئ من الى وكل وحده فيهم تحس انها تبي تصيح وخاقتها العبره يطالعون فيه يتالمون يسمعون صوته يتالمون اكثر

مروه ماقدرت تستحمل فطلعت لبرا تصيح لاكن ماامداها تطلع الحديقه الا صقعت باحد

داخل

سراب:ط..ط..يب شو يايبنك الحينه

محمد ابتسم:سمعت انكم عرايس

نزلوا روسهم بحيا

محمد تنهد:اروى قومي نادي مروه

اروى:انشاء الله

محمد لف على سراب:سراب تعالي جمبي

قربت منه :سم

محمد ابتسم:جدك يوم قاللي فرحت ان عندي خوات وكلنا قررنا نجي لهنا عشانكم فاذا محتاجين شئ ترااي حاظر كلنا حولكم انا وعبدالله وسامي

سراب رااحه حست فيها وهي تسمع كلامه ودموعها تجمعت بعينها وهي تتذكر ابوها وتقارن بينه وبين محمد اخوها

سراب:تسلم ماتقصر وقفتكم ويانا اكثر شئ ممكن تسوونه لنه

*يبااااااااااااااااااااااااااااااااااااااااااااااا ااااااااااااااااااااااه

……………………………

مسكها بيده:هلا هلا والله بالغاليه

مروه طالعته بقهر:لو سمحت اتركني

…:قبل كان ممكن اتركج بس الحينه بعد ماصرتي بين يديني تؤتؤتؤ

مروه تحاول تفلت منه:قلت لك ابعد عني لاالم عليك هل البيت

…:تصدقين خفت هههههههههه وي تبين الصرااحه خفت ترااا كلكم حريم

مروه نزلت دموعها:الله يخليك انه وحده بعد جم يوم عرسي

…..:هههههههههه واذا مو انتى من زمان المفروض لي الحين يا الوقت المناسب تعاللي ويايه

وجرها معاه وهي تصارخ

مروه صرخت :لاااااااا يمااااااه يباااااااااااااااه يباااااااااااااااااااااااااااااااااااااااااااااااا اااااااااااااااااااااه

ماحست الا وهو قدامها يطيح بعد ماانظرب على راسها ترك يدها ببطئ وهي قامت ترجف طالعت باللي ضربته كانت ام سراب واول ماضربته لفت على مروه بقهر

ام سراب:ياجليله الحيا يالسه مع ريال وعرسج بعد جم يوم ومواي ريال عبيد ولد جيراننا

وتلقتها ضرب ومروه تصارخ وتصيح وتنادي

*باااااااااااااااااااااااااااااس

لفت ام سراب على محمد مقهوره :شو تبا بعد انتى هاااااه

محمد:يدك ماتنرفع عليها مرره ثانيه

ام سراب:وانتى شو عليك طول عمركم ماتدرون عنا والحينه ياي تبا تفرض سيطرتك

محمد نزل لمروه اللي جالسه على الارض تصيح:قلت كلمه وحده “طالع بمروه”انتي بخير

مروه هزت راسها بنعم وهي تشاهق

يتبع ,,,,

👇👇👇