رواية زوجتي و ساحرتي الفصل الثالث 3 بقلم زهرة الربيع حصريه وجديده على مدونة النجم المتوهج

اتصدمت بشده كان حاضنها وبيوشوشها..ما كانتش مصدقه المنظر اللي شايفاه قربت عليهم وقالت بغضب وزهول… انت بتعمل ايه 

ناجي اصتنع المفاجاه وبصلها وقال… في ايه مالك واحد واقف مع مراته 

وداد انبسطت وقالت بدلع..اه واحد مع مرته انتي دخلك ايه 

سحر قالت بغضب شديد انتي تخرسي محدش وجهلك كلام…وبصت لناجي وقالت بنرفزه….وانت مش عيب عليك  لما يكون من اول موقف يحصل ما بينا تعمل كده وتقفلي على تكه 

ناجي ضحك جامد وقال بسخريه ..اول  موقف حلوه اول موقف دي تحسسك ان انا لسه في اول الطريق بتهون الصراحه. 

سحر اتجمعت الدموع في عينيها وقالت…يعني..يعني معقوله اهون عليك تحرق قلبي كده 

ناجي كان عايز يقول لها انها عمرها ما هتهون عليه ومستحيل يكون مع واحده غيرها بس مش قادر يستحمل تصرفاتها اكتر قال… وداد مراتي كمان انا مش بعمل حاجه غلط ليها حقوق زيها زيك و مسكها من ايدها ومشي بيها ناحيه السلم 

بقلم….زهرة الربيع

وداد ضحكت بشده وقالت بدلال يلا يا سيد الناس وشاورت على رجلها من فوق وقالت ..صحيح مقولتلكش ان عندي شامه هنا هو تحب تشوف الشامه 

سحر كانت هتنفجر وناجي لسه هيرد سبقته لما قربت عليها بابتسامه تخوف وقالت  طبعا هيحب يشوف الشامه بس ده لما تقومي بالسلامه …وشدتها من شعرها بغضب رهيب وقعتها على الارض وقلعت الجزمه بتاعتها بقت تضربها بقوه وتضرب راسها في الارض وهي قاعده فوقها ومش سيبالها اي فرصه تتحرك 

وداد بقت تصرخ وناجي كان بيبص لها بزهول ومش مصدق ان دي سحر البنت الرقيقه الكيوت اللي حبها اصلا وكان عايز يضحك على الموقف بقى يحاول يشدها ويقومها بس دفعته ورجعت قعدت فوقها تاني وبقت تضربها بكل قوتها 

وداد  كانت بتحاول تدافع عن نفسها بس الموضوع  فاجئها جدا كمان كانت سحر جواها غضب مسيطر عليها لدرجه ان محدش قادر عليها ابدا 

ناجي بقى يقول وهو بيبعدها عنها… بس سيبيها هتموت في ايدك بس يا سحر كفايه 

هنا قطع صوتهم صوت جدتها قالت بغضب …سحرررررر 

سحر كانت رافعه ايدها في الهوا لسه هتضربها واول ما سمعت صوت جدتها  ثبتت ايدها في الهوا ثواني وقبل ما تقوم برده ضربتها بالقلم بسرعه حتى وقفت 

وداد كانت بتبكي على الارض راح ناجي قومها وقالت ببكا شايفه شايفه يا خاله بت ولدك عملت فيا ايه و كل ده علشان جوزي كان عايز يطلع معايا 

جدتهم قربت عليهم وقالت.. ايه ده يا سحر ده ينفع بردك يا بنتي 

سحر قالت  بدموع .. ايوه ينفع انا ما عملتش حاجه غلط انا بدافع عن حقي وانت اكثر واحده عارفه ان ناجي من حقي انا ..وعلى فكره مش مسامحاكم ومش مسامحاك انتي بالاخص يا جدتي عشان عايزه تخليه يبعد عني ويروح لواحده تانيه مش هسامحكم ابدا 

وبصت لناجي بغضب وقالت وانت كمان مش هسامحك علشان بتسمع كلامهم روح يا اخويا اشوف الشامه خليها تنفعك الاهي يجيلكم فتاق سري انتم الاثنين 

قالت كده وطلعت بغضب ودموع على اوضتها تحت نظرات الذهول الشديد من ناجي والسعاده اللي ملت قلبه بشده لانها لسه حباها وعايزاه 

جدته اتنهدت وقالت…سيبك من شغل الحريم ده قولي انت صحيح كنت طالع مع وداد ..اياك حاسس نفسك زين دلوك 

ناجي قال بحرج.. لا طبعا..انا..انا لسه تعبان  هي فهمت غلط انا كنت هطلعها اوضتها عشان شكلها تعبانه بس مدام انتي جيتي طلعيها انتي  بقى.. عن اذنكم وطلع جري ورا سحر 

وداد بصت لطيفهم بغيظ شديد وقالت… شايفه 

ابتسمت بسعاده وقالت..شايفه..و ربنا يهديهم على بعض 

وداد اتغاظت اكتر  وقالت ..يهديهم اكثر من كده انت عايزه تجننيني.. وطلعت على اوضتها بغضب شديد 

سحر فوق كانت رايحه جايه بغيظ وهتتجنن وبتقول… قال تعالى شوف الشامه لا وهو طالع لي معاها كمان كلهم كده كلهم تفكير واحد 

ناجي دخل و قفل الباب وبصلها وقال …افهم ايه من اللي حصل من شويه ده 

سحر بصت له بغضب وقالت …انا اللي افهم ايه من جيتك هنا اتفضل روح للهانم في حاجات مهمه عايزه توريهالك 

ناجي ضحك على حركاتها وعلى غيظها الشديد وقال ..في ايه يا سحر انت مش فاعمه انتي عايزه ايه 

سحر قالت بارتباك ..لا انا فاهمه انا عايزه ايه كنت عايزاك تقف معايا وتصبر عليا شويه بس ده ما حصلش وطبعا زيك زي اي راجل اهم حاجه عندك العلاقه التقليديه دي 

ناجي  قرب منها وحاوط وسطها باديه وبص لعيونها وقال…دي  ما اسمهاش علاقه تقليديه دي علاقه مهلبيه وحياه عيونك لو ترسيني على برك ابقى تحت امرك وما يملاش عيني ولو وداد ولا 10 زيها وانتي عارفه الكلام ده كويس 

سحر  حطيت ايديها على كتافه وقالت برقه ..طب اصبر عليا شويه يعني اديني وقتي انا اكيد هحلها 

ناجي بص لها باستغراب وقال… تحليها 

سحر ارتبكت جدا وقالت بسرعه …اه…هحل موضوع الخوف ده 

ناجي اتنهد بضيق وقال..بس الكلام ده انا مش اول مره اسمعه ..بقالنا ثلاث شهور متجوزين بتقوليلي نفس الكلام ده..وقرب منها وقال..ليه يا سحر..ده احنا متجوزين عن عشق مش حب وخلاص… فاكره ليلة دخلتنا كنا اخر انبساط في الفرح كنت طاير بيكي طير وانتي كمان يومها همستلك في ودنك وقلت لك خايف عليكي لما ندخل جوه فاكره قولتلي ايه.. قولتيلي خاف على نفسك لان انا مشتقالك اوي ومحتجالك اوي 

سحر نزلت عينيها في الارض بكسوف وقالت ..كنت بهزر يعني اكيد يعني ما كنتش اقصد حاجه 

ناجي اتنهد وبعد وقال ..يعني واخرتها ولا بتسمعي الكلام ولا مخلياني اروح اشوف الشامه 

ضحكه وقعدت جنبه وباست خدوا بحنيه وقالت بهمس عند ودنه.. انا كمان عندي شامه 

ناجي بصلها بدهشه وهي ضحكت وقالت.. بس مش هينفع تشوفها  اخاف عليك وعليا 

ناجي ابتسم بيأس من حركاتها ولسه هتمشي شدها عليه بقت في حضنه وبعد شعرها بحنيه وقال على فكره لو الموضوع ذايد اوي يعني ممكن اخدك لدكتور يشوف موضوع الخوف ده .. ولو انك لو تهدي يعني مش هتلاقي احسن مني دكتور 

سحر اتسعت عينيها بزهول وقالت… لا طبعا دكتور ايه هروح للدكتور اقوله ايه لا طبعا مش هينفع 

ناجي  ضحك على توترها وقال …طب ايه طيب ايه العمل 

سحر ابتسمت وقالت… نايمني في حضنك انا تعبانه تعبت قوي مع اللي اسمها وداد دي 

ناجي رفع حاجبو بدهشه وقال.. انت اللي تعبتي ..طبعا اكيد تعبتي من الضرب 

سحر قالت بغيظ..ايه صعبانه عليك مثلا 

ناجي ضحك وشالها وقال..انا  صعبان عليا البنوته الكيوت الي اتجوزتها  ..معرفتكيش انهارده بس صدق اللي قال الغيره مره 

ونيمها على السرير وبصتله وقالت.. انا مش بغير من حد 

ناجي نام جمبها وشدها لحضنه جامد وقال ما انا عارف يلا نامي كل ليله انيمك زي ما تكوني بنتي 

سحر اتخبت في حضنه اكتر وقالت ما انا بنتك وانت بابايا وحبيبي وروحي 

ناجي اتنهد وباس بينها وقال..ربنا يخليكي لقلبي 

وفضل حاضنها جامد لحد ما راحت في النوم فضل يتأمل ملامحها وهي نايمه  واتنهد وهو بيفتكر كل اللي حصل بس نفض  اي افكار من دماغه وحضنها جامد  لحد ما نام بهدوء وهيه بين ايديه 

في صباح يوم جديد قام من النوم وكانت نايمه على ذراعه بهدوء ابتسم على ملامحها الجميله وبعد خصلات شعر من على وشها وبقى يمشي عيونه على ملامحها بلع ريقه برتباك من قربها وشكل شفايفها الي بيجننه حط ايده تحت دماغها بالراحه وباسها برقه شديده من شفا،،يفها 

سحر حست بيه كأنه حلم جميل وقالت بنوم بحبك يا ناجي

ابتسم و قال قدام شفايفها بمس..وانا بعشقك يا قلب ناجي 

سحر ابتدت تفتح عينيها لما حست بصوته بس هو مستناش وبقى يبو،،سها بقوه  واديه على جس،،مها بكل جراءه 

سحر ارتبكت جدا وافتكرت كلام سالم  قالت بارتباك شديد ناجي لو سمحت كفايه كده.. كفايه لو سمحت 

بس ناجي كان في دنيا تانيه ومش قابل يسيبها ابدا بس قالت بزعيق ناجي قلت لك كفايه بقى كفايه

بقلم…زهرة الربيع

ناجي اتنهد بخنقه وقام وغمض عنيه وهو بيحاول يهدى و راح ناحيه الدولاب ياخد هدوم بقت تقفل زراير البلوزه بتاعتها وهي بتبص له بحزن وقالت… ناجي انت زعلت 

ناجي قال بضيق شديد ..هزعل ليه في حاجه جديده حصلت 

سحر  نزلت عينها في الارض وسكتت واتجمعت الدموع في عينيها بحزن  شديد 

ناجي كالعاده مقدرش يشوفها زعلانه رغم الغضب الشديد والضيق اللي جواه بص لها وقال ..سحر 

سحر  رفعت عينيها بسرعه وقالت..نعم 

ناجي  ابتسم ابتسامه جميله وغمز وقال شفايفك تهبل قرب منها وقال بهمس حلوه وطريه وبتروي زي الميه 

سحر ابتسمت  بكسوف وهو قال بوقاحه..ليكي حق تبعديني عنك..اذا كان الظاهر يقتل..امال المداري هيعمل فيا ايه 

سحر ضحكت بخفه ودفعته بكسوف وجريت خدت هدوم ودخلت الحمام 

ناجي اتنهد وقعد على السرير وشاف رساله جات على تليفونها لسه بيمسك التليفون وبيقول سحر يا سحر بس اتصدم بشده لما كانت رساله ظهرت على الشاشه ومكتوب فيها انزلي عايزه اقابلك دلوك

طرقي جوزك البقف عايز اشوفك ضروري  وووو 

يتبع 

وللللللعت على فكره زهوره زعلانه ليه التفاعل نازل كده يا قمراتي لو مش عاجبكم الاسكربت نبدله اهم حاجه تكونو مبسوطين يلاا لو حابين نكمل اتفاعلو علشان توصل للكل وصديقاتي القمرات يا ريت تعملو مشاركات كتير يا حلوات ابدأووووو❤❤❤