رواية احببت قدري الفصل الأول 1 بقلم أميرة رمضان

الدكتور : اه طبعا قولتلك دي حاجه بسيطه

لسه هتكلم جه وسفيان قال : رايحه فين البنت هتبقي هنا لحد ما حد من اهلها ياجي يستلمها دي مسؤليه كبيره

بصيت لسفيان بغضب وقولت : وفيها اي لما ياجو يستلموها من البيت

الدكتور : هو انتي مش مامتها

سفيان: لاء احنا منعرفش مامتها فين هي كانت لوحدها بتبكي ولما شفناها كانت راسها بتنزف و…………(وحكي كل اللي حصل )

الدكتور : عذرا بس انا كده مش هقدر اسلم البنت ليكم قبل منعمل محضر ولازم حد من اهلها او الشرطه يستلمها

اخدو البنت مني وانا كنت زعلانه اوووي انهم خدوها مني

بصيت لسفيان بعصبيه وقولت : ارتحت كده لما قولتله انها مش بنتي

سفيان : هو انا قولت حاجه غلط

_ لاااااء غلط ازاي هو انت تغلط ابداااا

سفيان بعصبيه : وطي صوتك والزمي حدودك ويلا عشان نمشي هتتاخري

_ كلمت ابوها

سفيان : اه ومسافر ومش هيعرف ياجي قبل بكرا

_ يعني اي هنسيب البنت لوحدها كددده انا مش همشي الا لما حد من عيله البنت ياجي او اخدها معايا

سفيان بصوت عالي : تاخدي مين انتي هتتعلقي باي طفل وخلاص

(اتوجعت اوي لما قال كده ماهو نسيت اقولكم اني مابخلفش)

سفيان حس بندم لما قال كده: ميرا انا ….قاطعته وقولت بوجع: باااس انا داخله اشوف البنت

( اول مدخلت الاوضه فضلت ابكي بكل جوارحي هو انا ذنبي اي اني مبخلفش ليه كله محسسني اني ارتكبت جريمه لدرجه اني اطلق قبل فرحي بايام لمجرد ان التحاليل وضحت اني عندي مشكله في الخلفه وبقيت مطلقه وارض بور في عيون الناس احساس وحش اوووووي لما الكل يشوفك قليله في حاجه في ايد ربنا انتي ملكيش ذنب فيها)

الدكتور شافني ببكي : يابنتي دي قواعد مينفعش تاخدي البنت الا لما نخلص التقرير وبعدين نعمل محضر ونسلمها لشرطه

_ يعني انت ترضاها لطفله زي دي تسلمها لشرطه

الدكتور : هو بقولك هنسجنها دي هتبقي معاهم لحد اهلها ميستلموها

_ طب افرض هما اتاخرو ولا معندهمش دم ومحدش جه هيبقي مصيرها اي

الدكتور سكت

_ بالله عليك ي دكتور خلص التقرير وسلمهالي انا وانا مستعده امضي علي اي حاجه ولما ياجي حد من اهلها ياجي يستلمها مني في بيتنا وبيتنا مش بعيد عن هنا خالص او كلمني وانا هجيبها هنا علطول

(وبعد كلام كتير الدكتور استسلم امام اصراري وفعلا سلمني البنت اخدتها واحنا مروحين )

سفيان حب يلطف الموقف : تعرف ي تميم كان في حد عايزني اشوف قفايا عشان يركب معايا العربيه

تميم بمشاكسه : يراجل وشفت قفاك

سفيان : لاء هو اللي شايفو دلوقتي

_ والله لو مسكتو لانزل حالا من العربيه

حبيبه: بس دي مجنونه وتعملها وانا مش قادره اتمرمط في المواصلات بليل كده (وقالتلي بصوت واطي )داحنا هنتنفخ علي التاخير ده

_ منا عرفت بابا اننا هنتاخر

حبيبه: طب واخواتنا دول عصابه

_ الحمد لله فارس مسافر ومراد انا هرشيه هيسكت

حبيبه : طب وعمران

_ ده لوحدو رئيس العصابه بس متشغليش بالك انا هتصرف هو انا قليله ده تؤامي يعني هيسمع كلامي

حبيبه بضحك : والنبي اسكتي ده اكتر واحد بيهزقك

ضربتها علي كتفها: وطي صوتك البت هتصحي

تميم : ده بعد اللي حصل انهارده ده الواحد ميجبش عيال احسن اي ده هي دي حنيه الام

حبيبه : انا مش قادره استوعب اصلا

سفيان بصلي في المرايا وقال: وانتي رايك اي

قولت بسخريه_ لاء انا كده كده مبخلفش واي طفل بتعلق بيه وخلاص

(سفيان حس بالذنب اتنهد وبص قدامو وفضلنا ساكتين لحد موصلنا وانا بس حاضنه البنت كانها هتهرب مني)

**ملحوظه سفيان بيكون اخو مرات اخويا وحبيبه اختي الصغيره في اخر سنه في كليه الصيدله وتميم ابن عمي اصغر مني بسنه محامي برضو وشغال معانا في نفس المكتب وبيته جنب بيتنا **

___________

وصلنا قدام البيت

حبيبه : شكرا ي معالي المستشار علي التوصيله دي

سفيان بمكر : المهم بس الناس تقدر

حبيبه بضحك: هتقدر ان شاء الله

تجاهلتهم وقولت : تيمو متنزل اتعشا عندنا

تميم : كان نفسي والله بس انا جعان نوم

مشو واحنا داخلين البيت

حبيبه : هو انتي مقدرتيش تجيبي البنت دي الا انهارده

_ ليه بقا ان شاء الله

حبيبه : مقصدش بس اللي انتي متعرفهوش ان العقر*به هنا

قولت بصدمه : لاء متقولييييش ولسه بتكلم لقيتها طلعت من جوا وبتقول

=اهلااا مابدري ياختي انتي وهي

ابتسمت ابتسامه صفرا : اي ده عمتووو عامله اي

عمتي : تمام ياختي كل ده بتعملو اي برا دي العشاء علي اذان انا مش عارفه شغل اي اللي بيجو منه اخر الليل ده

حبيبه : عمتووو ناخد نفسنا الاول وبعدين قولي اللي عندك بابا فين

عمتو : ابوكي راح المسجد ياختي عامل فيها راجل صالح اوي وسايب بناته لنصاص الليالي برا البيت

حبيبه بسخريه : اي ده هي الساعه 8 عندكم نص الليل انتو عايشين بتوقيت البوزنبيق ولا اي

عمتو : انتي بت قليله الادب ولما ابوكي ياجي هخليه يعلمك الادب من اول وجديد

_ هو عمران مش هنا ولا لسه مجاش

عمتي : لما البنات جااين دلوقتي الولاد هياجو ايمتاا الفجر

حبيبه : ايوا ي عمتو انا اخواتي صالحين بيصلو الفجر الاول وبعدين ياجو

عمتي : اتريقي اتريقي منا هقول اي منك لله ي اخويا دلعتهم لحد ما بوظتهم بدلعك ده ومين اللي انتي شيلاه علي ايدك ده

حبيبه : لااااء انا مش حمل ادخل معاكي في مواضيع تاني دي بنت صحبتها هتكون مع ميرا لصبح ومامتها هتاجي تاخدها

عمتي : امهات اي دي اللي تسيب بناتها براا

_ معلش الزمن اتقلب حالو

عمتي : اه والله ده لولا اني عارفه ان مفيش منك رجا كنت قولت دي بنتك

(كلامها حسيت انه طعني في قلبي رغم اني واخده عليه بس في الموضوع ده بذات بتوجع كان اول مره اسمعو)

حبيبه بعصبيه: لاء بقولك اي لحد كده وتقفي عند حدك

عمتي : انتي بتزعقيلي ي مفعو*صه انتي

حبيبه : واعمل اكتر من كده لو كلمتيها بطريقه دي تاني

سبتهم وطلعت دخلت الاوضه بس المرادي منهرتش زي كل مره حسيت ان بقي عندي مناعه من الكلام ده وبصيت علي البنت بحب

ولا عشان انتي معايا ي قلبي هو انتي اسمك اي

(البنت مكنتش بتعمل حاجه غير انها بتبصلي وتضحك) اهو عشان الضحكه دي كنت اتمني اني اجيب بيبي زيك مش ده من حقي برضو جالي رساله من سفيان

“”متزعليش انا مكنتش اقصد ازعلك انتي اللي فهمتيني غلط شدي حيلك بقا ونامي عشان تفوقي لشغل بكرا””

_ اعاااا حتي وهو بيعتذر متكبر اااي ده طب والله منا نازله الشغل بكرا

البنت نامت قومت صليت واتكلمت مع بابا وحكيت ليه اللي حصل واخواتي كانو لسه محدش جه

والبنت صحت

قعدت طول الليل اتكلم معاها وكانها شخص مدرك بيسمعني شويه تضحك وشويه تبكي لحد ما نمنا سوا

وصحيت علي صوت خنا*ق عالي اوي

_ في اي اخدت الطرحه ونزلت بسرعه

علي صوت عمران وهو بيقول بصوت عالي: بنت مين اللي جااااااي تاخدهاااااا انت ااااااي اللي جاااابك هناااااااا

كان عمران بيضر*ب في شخص ومراد بعدو عنه بالعافيه

_ يالهووووووي اهدي ي عمرررررااان ولسه هتكلم شوفت الشخص اللي كنت بتمني مشفهوش في حياتي ابدااا

قولت بصدمه_انت….يتبع

#ده كان باقي البارت الاول