روايات كاملة

رواية اسمي حياة الفصل الحادي والخمسون51 بقلم الاء اسماعيل


شهقت شهيرة بصدمة شديدة 

– بتطلقني بعد العمر ده كله يا رشدي !!! بترميني و انا في الحالة دي يا قليل الأصل يا وا’طي 😤😡

– الحالة دي انتي السبب فيها …انا مستحيل اكمل حياتي مع وحدة قا’تلة…انتي كنتي عايزة تموتي حتة من ابنك لسة ما جومش للدنيا ملهمش اي ذنب ….ما عدا ان جدتهم بتكره أمهم و مش طايقة تشوف حب ابنها ليها ..😤😤

– نور بحدة : كنتي بتجيبيها ليه تسكن معاكي لما انتي مش طايقاها يا ماما هاااا!! !! 

 حسام : لا… ماهي  وافقت لانها كانت  عاملة خطة عشان تطفشها يا نور .. و مكانتش هتقدر تنفذها و احنا بعيد عنها بس اللي حصل انها هي اللي وقعت فيها …

رشدي بحدة : لا و بعد كل ده عايزاها تخدمك !! 

حسام :و يا ريت ندمت بعد ما شافتها  بتعاملها بما يرضي الله 

نور بحزن :انتي ما تستاهليش كنة زي حياة يا ماما ..كان في ايدك انك تحتويها و تعتبريها بنتك و ساعتها كنتي هتكسبيها هي و ابنك 

شهيرة بغضب – يعني دلوقت اتفقو كلكم علياااا ؟؟؟ ابوكم بيطلقني بالثلاثة و أنتم بدل ما تحاسبوه بتحاسبوني انا !!!

حسام : مشاكلك مع بابا تحليهم انتي و هو المهم اني هابعد مراتي و ولادي  عنك و عن سواد قلبك …آسف يا ماما انتي ما خلتيش مجال لحد يتعاطف معاكي .

طلع حسام الاول 

التفت  رشدي  و هو بيقولها بحدة 

– أنا اديتك بدل الفرصة ألف و انتي اللي ضيعتيهم زي ما ضيعتي حبي ليكي من قلبي…مش عايز الاقيكي هنا لما ارجع

طلع ورا ابنه و  فضلت نور مع شهيرة اللي كانت منهارة من العيااااط 

– عرفي ايه و رسمي ايه ؟؟! انا مش متجوزة يا حضرة الضابط ! 

– بس المعلومات اللي عندنا  بتقول انك متجوزة عرفي 

 – لااا …اللي قالكم الكلام ده كذاب …انا عمري ما اتجوزت لا عرفي و لا غيره  ..😥 قالتها هدى و هي متلخبطة و بتتعرق من شدة التوتر .

الضابط بهدوء : على كل حال احنا ممكن نتأكد من الكلام ده و نعرف مين اللي بيكذب …من خلال تقرير  الطب الشرعي اللي هيكشف لنا أن كنتي بكر او لا 

في اللحظة دي سمعوا خبط علباب

العسكري – حضرة الضابط والد المتهمة برة و عامل مشكلة بيسأل عن بنته

خليه يتفضل 

قرب العسكري منه و همس في وذانه : بصراحة شكله مش مضبوط ..أكيد شارب حاجة

الضابط بسخرية : و الله !! طب عال اوي هاته اما نشوف العيلة اللذيذة دي 

دخل والد هدى و هو بيهدد و بيصرخ :

الضابط – هو انت الوالد الكريم ! تشرفنا 

-هي عملت ايه عشان جايين تتهجموا على بيتي وش الفجر !

الضابط بسخرية : يا راجل !! هو   الفجر بقى الساعة ثمانية الصبح !! 🙄😂 المهم ..بنتك اتقبض عليها بناء على البلاغ اللي اتقدم ضدها 

قبل أن يكمل الضابط كلامه اندفع نحوها بغضب فإختبأت خلف العسكري و زعق هو بصوت عالي 

– عملتي ايه يا و’سخة  عشان يجرجروكي كدة ؟؟ انطقي !!!

مسكه العسكري  قبل ما يتهجم عليها و حطت هدى عينيها بحسرة و ضيق 

 اردف الضابط 

– حيلك حيلك !  عايز تعرف بنتك عملت ايه ؟؟  يبقى كلامك معاي انا مش مع المتهمة .

بص صبحي للضابط بضيق و في عينيه غضب جحيمي  : طب قابضين عليها ليه  ؟؟

– بنتك متهمة في جريمة ق’تل السيد  أحمد حسني 

– أحمد حسني مين ده ؟؟ لا أكيد انتو غلطانين !! بنت’ي تقتل ؟؟ طب ليه و هي تعرفه منين ده !! انت أكيد غلطان في الاسم 

– لا مش غلطانين … و عندنا ادلة تثبت الكلام ده و انا كنت هأستدعيك اصلا عشان توكل لها محامي لانها هتترحل عالنيابة بكرة ..

– تهمة ق’تل و محامي و نيابة  !!! هي حصلت يا هدى  ؟؟؟ على أخر الزمن اتفضح في الحارة بسببك ؟؟  طب و الله لأكون مخلص عليكي قبل ما تعملها الحكومة يا وا’طية 

الضابط اشار للعسكري ياخذها عالزنزانة و بص لصبحي بحدة

– بتهددها قدامنا يا حضرة؟؟  عايزني اعملك محضر و اقبض عليك بتهمة تهديد بالقتل ؟ مش كفاية جنحة السكر اللي لابساك ؟ 

اتوتر صبحي و اتمالك اعصابه 

– س سُكر ؟؟ سُكر ايه يا حضرة الضابط ؟؟ 😥

– عموما احنا عندنا تحليل نسبة الكحول في ظرف دقيقة هيظهر لنا النتيجة .. هااا تحب تتفضل تدور على محامي ولا نحبسك مع بنتك بتهمة تهديد و التعدي على ضابط. أثناء تأدية مهامه و انت في حالة سكر  كمان؟

 – هأشوف محامي و أمري لله 😓 ..بس بيكون مين اللي متهمينها بقت’له ده ؟؟ 

– لما تتحول عالنيابة هيبقى النائب يبلغ المحامي بالتفاصيل امشي من قدامي قبل ما ارجع في كلامي بخصوص المحضر

– حاضر يا باشا …حاضر 

– استنى يا حسام …رايح فين

– بابا انت سمعت بوذانك كل حاجة انا قررت اطلع من الفيلا و قراري نهائي و انت مكانش لازم تطلقها …ده كان عقاب قاسي اوي عليها  

– لا يا ابني  انا ما بقتش قادر اتحمل طباع امك و قسوتها …انا كمان صبرت كثير بس كل واحد فينا ليه طاقة معينة ما يقدرش يتعداها .. امك استنفذت كل طاقتي و امتصت كل طيبتي مبقتش قادر اسامحها

– بس برضو دي عشرة طويلة اوي يا بابا 

– انا كمان قراري نهائي يا حسام 

أمك  هي اللي قطعت الحبل ما بينا مش أنا ..لما تفكر تؤذيك بالشكل ده و إنت حتة مننا تبقى هي اللي كتبت نهايتها بايدها.

– طب انا مضطر امشي عشان متأخر اوي عالشغل و بعدها عندي مشوار مهم …عن إذنك

حياة 

طلعت من البيوتي سنتر مع إلهام و يا دوب لبسوا هوما الثلاثة و اخذهم سند على حفل الخطوبة  في العربية  افتكرت حسام 

– غريبة ازاي حسام ما اتصلش بيا خالص !

– يمكن مشغول او ماصحيش بدري ..بعدين هتكلميه انتي 

طلعت تلفونها من الشنطة 

– ياااااه !! 15 مكالمة فائتة من نور !!! ده امتى ؟؟ 🤨

إلهام : أكيد عااملاه صامت زي عوايدك

وصلوا القاعة و كانوا هينزلوا قالت حياة 

– اوووف .. معاكي حق  كان صامت…انا هاتصل عليها و ادخل بعدين 

إلهام – لا طبعا مش حلوة تدخلي لوحدك و انتي جاية معاي انا و الدعوة بإسمي … امشي ندخل سوا هتبقي تتصلي بيها بعدين .

– حنان تفضل معاي  دقيقتين  اخلص مكالمة و ندخل سوا 

سند بمزاح – و تفضل مراتي قاعدة برة للناس بتبحلق فيها و هي زي القمر كدة ؟؟ لا طبعا يا ست حياة مش موافق 

بصت لتلفونها و بعدين خبته بإستسلام ..معاكم حق.  ماشي هاتصل بنور بعدين .

كانت بتلف و تدور جوة الزنزانة و هي هتتجنن !! 

– دليل ايه اللي بيتكلم عنه الضابط ده ؟؟ محدش يعرف بالحكاية دي ما عدايا انا ….و ….  حيااااااة !!! 

 انا ازاي نسيت اني اعترفتلها ؟؟!  يعني حيااااة ….؟؟؟ لااااااا لا مستحيييييل !!! حياة مستحيل تبلغ عني …و اصلا هي متجوزة في محافظة بعيدة ايه اللي هيجيبها هنا  تاني ؟؟ 🤨

في هذه الاثناء وصل حسام قسم البوليس و طلب من الضابط  أنه يشوف المتهمة …و لأنه صديق ليه سمح له و اخذه العسكري عالزنزانة 

كانت هدى لسة بتكلم نفسها 

هدى : طب انا قلتلها على حكاية الفرامل بس …انما الجواز العرفي محدش كان يعرفه الا انا  !! 

– و أنا ؟؟! نسيتيني يا هدى هانم؟ مش انا  كنت شاهد  !؟؟! 

التفتت برعب : حساااام !!! 

– أيوة يا ستي … حساااااام ….حساااام اللي كنت بتجي تعيطي له بالساعات و بتقوليله أحمد واحشني و انتي اللي مخلصة عليه يا وااااطية 

– حساااام صدقني انا بحب أحمد و عمري ما ……

– اخرسيييييي !!!! هتكذبي كماااان !!! هتقولي ايه تااااني !!! ده انتي طلعتي ممثلة من الطراز الأول !! صدق المثل اللي قال يق’تل القت’يل و يمشي ف جنازته !! 

– صدقني يا حساااام الكلام ده مش صحيح  !! اناااا….

– انتي واحدة وااااطية و رخيييصة و حقيييرة كمان 

و انا مش هأسيب د’م اخوي في الارض و لا هأسيبك الا و انتي على حبل المش’نقة …انا عندي الدليل اللازم لكدة 

هدى بتحدي – دليل ايه ده .. انت معندكش حاجة غير ورقة عرفي .. بلها و اشرب ميتها …أحمد مات في حادثة و الكل عارف كدة 

حسام بدهشة انا – مش عارف ازاي أحمد وثق في وحدة حرباية متلونة  زيك !  انتي عارفة أنه كان هيتجوزك ولا لا ؟!

هدى بدهشة : إنت بتقوووول ايييييه !!!! 

فلاش 

حسام : خير يا صاحبي كنت عايزني في ايه ؟؟

أحمد : خذ دي يا حسام خليها معاك 

– ايه ده !! مش دي الورقة العرفي اللي انت كنت كتبتها لهدى ؟

– ايوة هي 

– و انا اخليها معاي بتاع ايه ؟ هو انا اللي كنت اتجوزتها ولا انت

– بص انا عندي ثقة كبيرة فيك و بأعتبرك اخوي مش صاحبي و خايف واحدة من البنات تلاقيها في اوضتي ما انت عارف قد ايه اخواتي البنات حشريات 

– ما تتكلم على طول يا أحمد .

– بص يا حسام …انت عارف اني اتجوزت هدى بعد ضغط منها 

– عارف …و عارف كمان ليه… انت قلتلي ان اللي حصل ما بينكم  هي السبب فيه مش انت …

– بصراحة … احنا  اتخانقنا و اتضايقت منها اوي و قلتلها كلام غبي و …و.  

حسام بتوتر : و ايه يا أحمد ؟

أحمد بضيق -من كثر ما استفزتني و هي بتقارنني بيك و بحبك لحياة   قارنتها انا كمان  بصاحبتها و قلتلها كلام جارح اوي …

حسام بشك – جارح ازاي يعني ؟؟ 

أحمد بحسرة : خرجت عن طوعي و قلتلها انها رخيصة 

– انت اتجننت !!! 

– يوووه يا حسام ..قلتلك جبت اخري و فقدت اعصابي 

– طب انت ناوي ايه دلوقت ؟؟

أحمد : انا قررت اصلح غلطتي و اتجوزها رسمي … 

– بتتكلم بجد يا أحمد ؟؟

أحمد بندم : انا عندي اخوات بنات يا حسام … و مهما حصل و حتى لو هي الغلطانة …بس انا الراجل و مش هكون نذل معاها بالشكل ده …ايوة هأفاتحها في الموضوع  بكرة بعد السباق و اروح اطلب ايدها  بعدها على طول …عشان كدة بلاش الورقة العرفي دي  تظهر  دلوقت خايف تلخبط الجو .

– اللي تشوفه يا صاحبي .

باااك 

كانت هدى مصدووومة و منهاااارة من العياط و هي بتسمع الكلام ده : ك.  ك..كاااان ه ..ه ..يطلب ايدي بعد السبااااق !! 

حسام بغضب : ايوة كان هيتجوزك …بس كان معاه حق 

انتي وحدة رخييييصة و قذر’ة و مش بتاع جواز  !! 

– بس ..بس …ازاي .. انت …انت مين قالك .. دليل ايه ؟؟

– بكرة  في النيابة هتعرفي  كل حاجة .





Source link

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق