روايات كاملة
رواية بائعة الورد الفصل الثالث عشر 13 بقلم إسراء محمد
اقرأ المحتوى بدون اعلانات والمزيد من المميزات عند الانضمام للتليجرام (دوس هنا)
رواية بائعة الورد الفصل الثالث عشر 13 بقلم إسراء محمد
رواية بائعة الورد الجزء الثالث عشر
رواية بائعة الورد البارت الثالث عشر
رواية بائعة الورد الحلقه الثالثة عشر
حسني : ازيكم يا بنات
ملك واناهيد : الحمدلله يا مستر
حسني : بصي يا ملك انا كنت قلقان منك بصراحه اول ما جيتي المدرسه هنا عشان المدرسه انترناشونال وانتي كنتي في مدرسه عاديه قبل كده
ملك قلقت من كلامه ووشها اصفر من الخضه
حسني مكمل كلامه
وقال : ولكن دلوقتي اقدر اقولك للاسف انتي منجحتيش
ملك بصدمه : ازاي انا واثقه من اني حليت كويس كمان
اناهيد : خلاص يا حبيبتي تعوضي السنه الجايه ان شاء الله
حسني : ممكن اكمل كلامي
اناهيد : اتفضل
حسني : انا اقصد للاسف انتي منجحتيش بس لا انتي كمان الاولي علي المدرسه
ملك بفرحه وصدمه في نفس الوقت : بجد يا مستر
حسني : بجد الف مبروك وعقبال ما ترفعي رأسنا السنتين الجايين
ملك : الله يبارك فيك يا مستر ، يارب
وسابهم ومشي
وراحوا جابوا النتيجه عشان تتأكد
اول ما شافتها انا مقفله الدرجات كلها بجد
اناهيد : مبروك يا حبيبتي
ملك : الله يبارك فيكي يا روحي
اناهيد : بالمناسبه دي بقي تعالي اعزمك علي حاجه
ملك : لا مش هينفع دول مستنيني في البيت علي نار
اناهيد : خلاص روحي وننزل يوم تاني
ملك : اوك ، يلا باي
اناهيد : باي
وخرجت ملك من المدرسه لقت يحيي مستنيها
دخلت عليه وهي زعلانه
يحيي : ها عملتي اي
ملك : مستر حسني قابلني وانا رايحه اجيب النتيجة وقالي للاسف اني منجحتش
يحيي بزعل : خلاص معلش انتي عملتي اللي عليكي وده نصيبك وان شاء الله تعوضي السنه الجايه
ملك ومازالت بتمثل الحزن : يارب
ورجعوا علي البيت
اول ما دخلوا
سندس بلهفه : ها عملتي اي
ملك جريت علي حضنها وهي لسه بتمثل الحزن
وقالت : انتي قولتيلي الصبح مش هقبل انك تكوني اقل من الاولي علي المدرسه
سندس : مش مهم الأولي المهم انك تنجحي بمجموع حلو
يحيى : للاسف محصلش نصيب السنه دي
سندس بحزن : خلاص حصل
ملك خرجت من حضن سندس
وقالت : وانا مردتش ازعلك يا ست الكل
سندس بعدم فهم : يعني اي
ملك بفرحه : يعني الاولي علي المدرسه زي ما كنتي عايزه
سندس : بجد
ملك : اه والله النتيجه اهي
يحيي : طب لي قولتيلي ان مستر حسني قابلك وقالك انك منجحتيش
ملك : عشان هو قابلني بجد وقالي للاسف انتي منجحتيش بس لا انتي كمان الاولي علي المدرسه
يحيي : مبروك بجد فرحتيني بعد ما كنت زعلان
سندس حضنتها : مبروك يا حبيبتي الف مبروك
ملك : الله يبارك فيكي يا ست الكل
يمني : طب سيبها احضنها واباركلها انا كمان
خرجت ملك من حضن سندس وحضنت يمني
يمني : مبروك يا قلبي كنت واثقه انك هتعمليها
ملك : الله يبارك فيكي ، لولاكوا بجد مكنتش هعرف ابدأ في تنفيذ حلمي
سندس : متقوليش كده انتي بنت حلال وتستاهلي كل خير
يحيي : طب بالمناسبه دي بقي انا عازمكوا النهارده ع الغدا شوفوا عايزين تتغدوا اي وقولولي
يمني : لا يا حبيبي ده يبقي غدا بره مع خروجه حلوه
يحيي : مش هكسرلك كلمه ادخلوا البسوا
سندس : لا كفايه الغدا
يحيى : خلاص بقي يا ماما هي ملك هتنجح كل يوم
سندس : عشان خاطر ملك بس
ملك : ربنا يخليكوا ليا بجد وميحرمنيش منكم
سندس : ولا يحرمنا منك يا حبيبتي
يمني : يلا بقي ندخل نلبس قبل ما يرجع في كلامه
ملك : لا يلا بسرعه
كلهم ضحكوا عليها
ودخلوا لبسوا ونزلوا
يحيي : ها عايزين تروحوا فين
ملك ويمني في نفس واحد : الملاهي
سندس : ندخل سينما
ملك : خلاص ندخل سينما
سندس : لا يلا علي الملاهي عشان خاطرك وندخل سينما مره تانيه
يحيي : طب يلا بينا علي الملاهي
وراحوا الملاهي وقعدوا يلعبوا لحد ما واحد من اللي شاغلين في الملاهي جه
قالهم : معلش اليوم خلص
ملك : والنبي يا عمو سيبنا شويه كمان
الراجل : مش هينفع والله
يحيى : خلاص هجيبكوا يوم تاني
ملك : خلاص ماشي
سندس : مبسوطه يا لوكا
ملك : انا عايشه اجمل ايام حياتي من ساعة ما عرفتكوا وعيشت معاكم
سندس : ربنا يخليكي لينا ونشوفك عروسه
ملك : عروسه اي بس قولي اشوفك محاميه
سندس : طب يا ستي يارب اشوفك محاميه قد الدنيا وعروسه برضو
ملك : يارب يا حبيبتي
سندس : يارب
يمني ليحيي : انت مش ملاحظ ان امك بقت مهتميه بملك اكتر مننا
يحيي : اكيد عشان تعوضها اللي حصل في حياتها
يمني : طب انت اي النظام
يحيي : نظام اي
يمني : نظام ملك
يحيي : مش فاهم
يمني : يعني مش معجب بيها بتحبها كده يعني
يحيي : بحبها اه بس نفس الحب اللي بحبهولك مش حاجه تانيه يا سوسه
يمني : اشك بس هعديها
ركبوا كلهم العربيه
يحيي : تحبوا تاكلوا اي
يمني : سوشي
سندس : بلاش عشان ملك ممكن متحبوش
ملك : هو اي السوشي ده اصلا
يحيى : ده سمك بس بيتعمل بطريقه يابينيه كده
يمني : انت مكسوف تقولها انه سمك ني
ملك بصدمه : ني لا مش عايزه
يحيي : لا مش كله ني في ني وفي مستوي
ملك : كلوا انتوا السوشي الني ده وانا هاكل حاجه تانيه
يحيي : هاكلك سوشي مقلي مش ني وجربيه لو معجبكيش هحرم يمني من السوشي
يمني : الله وانا مالي يا لمبي
يحيي : عشان ده اقتراحك انتي
سندس : صح كده
يمني : انا نفسي افهم انتي علي طول ضدي لي
سندس : مزاجي
وراحوا المطعم
يحيي : ادخلوا واطلبوا اكل وانا رايح اجيب حاجه وجاي
سندس : هتجيب اي
يحيي : هقولك بعدين
سندس : طيب
راح ورجع
يحيى : ها طلبتوا
يمني : امك مرضيتش تخلينا نطلب الا لما انت تيجي
يحيي : لي كده يا ماما
سندس : عشان تشوف انت عايز تاكل اي وتطلب لملك زي ما قولتلها
يحيى : خلاص ماشي
وطلبوا الاكل
بعد ما جه الاكل
يحيي : اي رأيك في السوشي بقي
يمني : وحياه امك يا شيخه تقولي حلو انا بقالي كتير مكلتوش ومش عايزه اقوم
ملك بضحك : خلاص حلو
يحيي : بجد ولا عشان منقومش
ملك : لا حلو بجد
يمني : الهي تنستري يا شيخه
كلهم ضحكوا وكملوا اكل وهما بيضحكوا ومبسوطين
وبعد ما خلصوا
سندس : يلا نروح بقي
يحيي : تعالي بس نروح مشوار كلنا وبعدين نروح
سندس باستغراب : مشوار اي
يحيي : تعالي بس وانتي هتعرفي
ركبوا العربيه واتحركوا
وبعد ما اتحركتوا بشويه مش كتير وقف
يحيى : يلا انزلوا
سندس بصت جنبها
وقالت : انت جايبنا هنا لي
يحيي : مش كنتي عايزه تدخلي سينما
سندس : كنت بقي خلاص
يحيى : لا مش خلاص يلا عشان الفيلم هيبدأ
سندس : وانتي عرفت منين ان الفيلم هيبدأ
يحيي : عشان هي دي الحاجه اللي كنت بجيبها
وطلع التذاكر من جيبه
سندس : بس كده كتير يا ابني
يحيي : مفيش حاجه تكتر عليكم يا امي
سندس : ربنا يباركلك يا ابني
يحيي : يارب
ودخلوا السينما
وخرجوا
يحيي : مبسوطين
يمني : اوي بجد
سندس : ربنا يخليك لينا يا حبيبي
يحيي : ويخليكي يا ست الكل
رجعوا وناموا علي طول من كتر التعب
تاني يوم
صحيت ملك علي رنه موبايلها
ملك بنعاس : الو
اناهيد : انتي لسه نايمه
ملك : اه
اناهيد : الساعه 1 الضهر
ملك : هقوم اهو
اناهيد : طب فوقي وكلميني
ملك : اوك
قفلت ملك معاها وقامت
دخلت الحمام واتوضت وصلت
ودخلت عند يمني لاقتها لسه نايمه
سابتها وخرجت
رجعت اوضتها واتصلت علي اناهيد
اناهيد : الو
ملك : عامله اي
اناهيد : الحمدلله وانتي عامله اي
ملك : الحمدلله
اناهيد : اي اللي منيمك لحد دلوقتي يا هانم
حكتلها ملك اللي حصل كله
اناهيد : يا بنت المحظوظه بقي خرجتي واتبسطي وانا قاعده في اوضتي في سريري
ملك بضحك : الله اكبر
اناهيد : كبري اوي عشان أنا هقر عليكي جامد
ملك بضحك : قري براحتك خلاص انا خرجت واتبسطت
اناهيد : طيب ياختي ، المهم هنخرج احنا امتا
ملك : هشوف واقولك
اناهيد : طيب
وقفلت ملك معاها
وراحت شقه سندس
ولسه هتخبط
سمعت …..
- لقراءة باقي فصول الروايه أضغط على (رواية بائعة الورد)
