روايات كاملة

رواية بائعة الورد الفصل الثامن 8 بقلم إسراء محمد

رواية بائعة الورد الفصل الثامن 8 بقلم إسراء محمد

رواية بائعة الورد الجزء الثامن

رواية بائعة الورد البارت الثامن

رواية بائعة الورد كاملة (جميع فصول الروايه) بقلم إسراء محمد
رواية بائعة الورد كاملة (جميع فصول الروايه) بقلم إسراء محمد

 

رواية بائعة الورد الحلقه الثامنه

 

#الفصل الثامن
#بائعة الورد
ملك وصلت الشغل
وطبعا كان يومها يخنق بسبب شريف بس مبقتش تسكتله
ويحيي طول اليوم بيحاول يكلمها التليفون مقفول
عند ملك وهي خارجه من المحل
شافت يحيي قدامها
فرحت من جواها بس حاولت تبين العكس
وقالت : كويس انك جيت يا استاذ يحيي
يحيي : انا اصلا مش جاي عشانك
ملك بحزن : اومال جاي عشان مين
يحيي : عشان البنت الاموره اللي جايه هناك دي
ملك بصت وراها شافت بنت في منتهي الجمال فعلا بتقرب عليهم وهي مبتسمه وراحت ليحيي حضنته
ملك زعلت وكانت هتمشي
البنت : مين دي يا يحيي
يحيي : دي ملك اللي قولتلك عليها اللي شغاله في محل الورد
البنت : اممممم ، عامله اي
ملك : كويسه بس انا لازم امشي
يحيي : ازاي تمشي من غير ما اعرفك علي حبيبتي
ملك بصتله بحزن وانكسار وقالت : حبيبتك
يحيي : اه حبيبتي وكل ما ليا في الدنيا هي و امي
ملك : ربنا ما يحرمكوا من بعض ويخليلكوا ابنكم او بنتكم
لان البنت كانت شايله بيبي
البنت بتسرع : لا انتي فهمتي غلط
يحيي : مسك ايد البنت جامد
البنت : كفايه كده حرام عليك البنت شكلها زعلت
ملك : وازعل لي
يحيي : عشان متجوز مثلا
ملك : واي اللي يزعل في انك متجوز
البنت : انا اسمي يمني
ملك : اهلا
يمني : وبنتي اسمها ماس يحيي
ملك : ماس يحيي
يحيي : اه اتأكدتي بقي انها بنتي
يمني : متصدقهوش ماس مش بنته
ملك : ازاي وانتي بتقولي ان اسمها ماس يحيي
يمني : هقولك يا ستي انا اه بنتي اسمها ماس يحيي لكن مش بنت يحيي ده ولا انا مراته لانه مش متجوز اصلا
ملك فرحت طبعا انه طلع مش متجوز بس افتكرت يمني وقالت بعصبيه : اومال انتي تبقي مين
يمني بضحك : ابقي اخته الصغيره
ملك بفرحه : بجد
يمني : اه بجد ، والصراحه كده يحيي حكالي علي كل حاجه مريتي بيها واللي انتي عملتيه معاه امبارح وعشان كده صممت اجيلك
ملك : وتجيلي لي
يمني : عشان مينفعش نسيبك عايشه لوحدك في المنطقه دي
ملك : يعني اي
يمني : يعني هتجي تعيشي معانا
ملك : لا طبعا اعيش معاكم بصفتي اي واقعد معاكم لي
يمني : عشان متبقيش لوحدك وبصفتك اي هتبقي واحده مننا
ملك : لا طبعا وجوزك
يمني : انا للاسف ارمله وعايشه مع بنتي لوحدنا ومع ماما ويحيي في نفس الوقت
ملك : ازاي يعني
يمني : يعني انا شقتي قدام شقة ماما ويحيي وعايشه فيها لوحدي انا وبنتي بس في نفس الوقت يعتبر عايشه مع ماما ويحيي
ملك : امممم فهمت ربنا يخليكم لبعض
يمني : يارب ويخليكي لينا
ملك : ويخليني ليكوا ازاي يعني
يمني : عشان هتيجي معانا ومش هنسيبك
ملك : بس
يحيي : من غير بس انا مش هسيبك قصدي مش هنسيبك
ملك : طب اروح البيت اجيب حاجتي واودعه
يمني : الصبح انا بنفسي هجيبك تاخدي حقك من الحيوان صاحب المحل وتاخدي حاجتك من الشقه
وفعلا بعد كلام كتير اقنعوا ملك وراحت معاهم
بعد ما وصلوا
سندس : اهلا بالقمر
ملك : اهلا بحضرتك
يحيي : دي بقي يا ستي اهم حد في حياتي
ملك : ربنا يخليكم لبعض
سندس : طب يلا ناكل عشان اكيد جعانين وعايزين تناموا
وفعلا اكلوا
يمني : يلا يا ملك عشان ننام ونسيبهم يناموا
يحيي : ما تخليكوا قاعدين شويه
يمني : ده من امتا الكلام ده
يحيي : عشان ملك افرضي انها مش عايزه تنام هتنيميها بالعافيه
ردت ملك بسرعه : لا انا عايزه فعلا يلا يا يمني
سندس : طب يا حبايبي تصبحوا علي خير
يمني وملك : وانتي من اهل الخير
ودخلوا شقه يمني
يمني : علي انا مش عايزه انام انا قولت كده بس عشان تبقي علي راحتك بعيد عن يحيي
ملك : فهمت كده والصراحه انا مكسوفه منكم
يمني : لي
ملك : عشان مش مجبورين اني اقعد معاكم
يمني : متقوليش الكلام ده تاني ماشي عشان محدش يزعل منك
ملك : حاضر
يمني : ادخلي يلا خدي شاور وغيري هدومك وتعالى
ملك : يعني اي
يمني : يعني استحمي
ملك : خلاص ماشي
ودخلت خدت شاور وخرجت
لقت يمني نيمت ماس وعملت فشار
يمني : يلا تعالي بقي اقعدي كده واحكيلي عنك وانا كمان هحكيلك عني
ملك : حكتلها كل حاجه وحكتلها ازاي اتعرفت علي يحيي
يمني : انا بقي يا ستي اخت يحيي الصغيره وعندي 25 سنه اتجوزت من 3 سنين واتجوزت في الشقه دي كأنه كان عارف انه هيموت ويسبني فسابني في امان
ملك : هو مات امتا وازاي
يمني : مات وهو بيصلي الفجر
ملك : دي موته حلوه اوي
يمني : هو كان دايما بيدعي انه يموت وهو بيصلي لحد ما ربنا استجاب
ملك : الله يرحمه
يمني : يارب ، يلا ننام بقي عشان ورانا حاجات كتير بكره
ملك : ورانا اي
يمني : بكره تعرفي
ملك : طيب تصبحي علي خير
يمني : وانتي من اهل الخير
ودخلوا يناموا
عند يحيي
سندس : مالك يا يحيي
يحيي : مفيش يا ماما
سندس : علي ماما يا واد
يحيي : مفيش والله
سندس : طب قولي انت حبتها
يحيي : حبيت مين
سندس : علي اللي كانت عينك بتلمع عليها وهي قاعده واول ما مشيت زعلت
يحيي : الصراحه يا ماما مش قادر احدد ده اعجاب ولا حب ولا عطف علي حالتها
سندس : هو مش عطف
يحيي : وانتي عرفتي منين
سندس : عشان لو عطف مكنتش هتخليها تيجي تعيش هنا كنت مثلا هتجبلها شقه تانيه كنت هتشوفلها شغلانه تانيه لكن اللي انت عملته ده بيقول يا اعجاب يا حب
يحيي : ممكن
سندس : طب هسيبك انا بقي واقوم انام
يحيي : تصبحي علي خير
سندس : وانت من اهل الخير
تاني يوم
ملك صحيت لقت نفسها لوحدها
راحت شقه سندس
سندس : صباح الخير يا قمر
ملك : صباح النور
سندس : معلش صحيتي لقيتي نفسك لوحدك
ملك : مفيش مشكله
سندس : طب يلا تعالي نفطر
ملك : يلا
ودخلوا يفطروا
ملك : اومال فين يحيي ويمني
سندس : يحيي هيصحي كمان نص ساعه ومبيفطرش اصلا ويمني في مشوار
ملك : اه صح هي قالتلي ان عندها مشاوير
وفجأة يحيي دخل عليهم وهو واخد راحته وناسي ان ملك بقت معاهم
وقال : صباح الخير
ملك اتخصت ولفت وشها
سندس : ادخل البس ومتطلعش كده تاني
يحيي انتبه ودخل اوضته بسرعه
ملك : تقريباً الباب بيخبط
سندس : طب هقوم افتح
فتحت لقت يمني
سندس : انتي مش معاكي مفتاح
يمني : اه بس قولت اخدعكم علي اني ملك بس يا خساره طلعت هنا
ملك بضحك : صباح الخير
يمني : صباح الفل يا قمر انتي
سندس : اي اللي انتي جايباه ده
يمني وهي بتاكل : ده طقم لملك
ملك : ليا انا
يمني : اه
ملك : بمناسبة اي
يمني : عشان المشاوير اللي قولتلك عليها امبارح
ملك : مش انتي خلصتيهم
يمني : لا طبعا انا بس كنت بجبلك طقم عشان تلبسيه
سندس : وجبتيه منين ع الصبح كده
يمني : من واحده صاحبتي بتبيع اونلاين خلاتها تاخده معاها وهي نازله الشغل وروحت جيبته منها
سندس : طيب ، مبروك عليكي يا ملوكه
ملك : الله يبارك فيكي يا طنط
سندس : لو مش هضايقك يا ملك قوليلي يا ماما عشان انتي من النهارده عندي زيك زي يحيي ويمني
ملك : مفيهاش مضايقه خالص يا ماما
وقامت حضنتها
يحيي من وراهم : الله الله علي الاحضان اللي من ورايا دي
سندس : وانت مالك يا رخم
يحيي : طب مفيش حضن ليحيي حبيبك ولا جت ملك اخدتي مكاني
سندس : اخدت حته من مكانك وحته من مكان يمني عشان تبقي قدكوا عندي
ملك : ربنا يخليكي لينا
يحيي : طب انا مضطر اسيل الرومانسيه الاوڤر دي ع الصبح وانزل عشان عندي مواعيد
ملك : مش هتاكل
يحيي : هاكل في المكتب
سندس : طب خلي بالك من نفسك
يحيي : حاضر
وسابهم ونزل
يمني : يلا انتي كمان روحي البسي عشان ننزل
ملك : حاضر
عند شريف
قاعد بيكلم نفسه ومتضايق ان ملك مجتش لحد دلوقتي
طب يا تري حصلها حاجه طب هي عايشه ولا حصلت امها وقاعد يفكر
عند ملك
ملك : انا خلصت
يمني : طب يلا ، ماما ماس معاكي ها
سندس : طب خلوا بالكم من نفسكم
ملك ويمني : حاضر
ونزلوا
ملك : هنروح فين
يمني : هتعرفي لما نوصل
ملك : طب هنروح ازاي
يمني : انا طلبت اوبر
وركبوا ووصلوا المكان
ملك بتفاجأ : احنا اي اللي جابنا هنا

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق