روايات كاملة
رواية بائعة الورد الفصل الثاني عشر 12 بقلم إسراء محمد
اقرأ المحتوى بدون اعلانات والمزيد من المميزات عند الانضمام للتليجرام (دوس هنا)
رواية بائعة الورد الفصل الثاني عشر 12 بقلم إسراء محمد
رواية بائعة الورد الجزء الثاني عشر
رواية بائعة الورد البارت الثاني عشر
رواية بائعة الورد الحلقه الثانية عشر
يحيي : عشان هاجي اخدك
ملك : ماشي
وسابته ودخلت
وسألت حد
ملك : لو سمحت
البنت : نعم
ملك : فين فصل أولي ثانوي
البنت : تعالي اوديكي
ملك : شكراً
البنت : انتي اسمك اي
ملك : اسمي ملك
البنت :عاشت الاسامي وانا اناهيد
ملك : اول مره اسمع الاسم ده بس حلو
اناهيد : انتي اللي حلوه
ملك : هو ممكن اسألك اسمك معناه اي
اناهيد : معناه المرأة الفاضله المهذبه
ملك : اسم حلو والمعني احلي
اناهيد : شكراً ، هو ده فصلك
ملك : شكراً تعبتك معايا
اناهيد : فصلي بعدك بفصلين لو احتاجتي حاجه تعاليلي
ملك : شكراً
دخلت ملك الفصل وحضرت الحصص كلها
وخلصت وخرجت
اناهيد : عامله اي يا ملك
ملك : الحمدلله وانتي عامله اي
اناهيد : الحمدلله ، يومك كان حلو
ملك : اه الحمدلله
اناهيد : مش هتروحي ولا اي
ملك : لا هروح بس هستني يحيي يجي ياخدني
اناهيد : خلاص هقف معاكي
ملك : لا عشان متتأخريش
اناهيد : لا مش هتأخر عادي
ملك : يحيي جه اهو خلاص
اناهيد : طب همشي انا ونتقابل بكره
ملك : طب ما تيجي ونوصلك
اناهيد : لا مفيش داعي انا ساكنه قريب من هنا
ملك : خلاص ماشي ، سلام
اناهيد : سلام
ملك راحت ليحيي
يحيي : عامله اي
ملك : الحمدلله
يحيي : يومك كان عامل اي
ملك : كويس اوي
يحيي : طب كويس يارب كل يوم يبقي كويس
ملك : يارب
يحيي : مين البنت اللي كانت واقفه معاكي دي
ملك : بنوته اتعرفت عليها النهارده اسمها اناهيد بس مش معايا في الفصل
يحيى : اول مره اسمع الاسم ده
ملك : وانا كمان بتقول انه معناه المرأة الفاضله المهذبه
يحيي : ماشي
وروحوا وقضوا باقي اليوم بين الضحك والهزار
تاني يوم
ملك صحيت دخلت الحمام واتوضت وصلت ولبست هدوم المدرسه ودخلت عند يمني لاقتها لسه نايمه
ملك سابتها نايمه وراحت شقه سندس
خبطت وسندس فتحتلها
ملك : صباح الورد
سندس : صباح الفل ، اومال فين يمني
ملك : دخلت عليها لاقيتها نايمه سيبتها وجيت
سندس : طب تعالي حضري معايا الفطار عشان تلحقوا تاكلوا قبل ما تنزلوا
ملك : يلا
ودخلوا حضروا الفطار
وهما واقفين في المطبخ
يحيي من وراهم : صباح الخير
سندس وملك : صباح النور
سندس : ادخل ألبس وتعالي عشان تاكل
يحيي : حاضر
وسابهم ودخل لبس وخرج
يحيي : امسكي يا ملك
ملك : اي ده
يحيي : ده تليفون ليكي بدل الصغير اللي معاكي
ملك : بس اللي معايا حلو مش محتاجه اغيره
يحيي : بس ده هيبقي احلي معاكي عشان اغلب الدراسه دلوقتي اونلاين
ملك : يعني اي اونلاين
يحيي : يعني ع التليفون
ملك اخدت التليفون منه وشكرته
وقامت حضنت وباست سندي
سندس : انا مالي بتحضنيني انا لي
ملك : عشان مينفعش احضنه هو
سندس بضحك : طب كمل اكل يلا
وخلصوا اكل ونزلوا
يحيي : لما نرجع هقعد معاكي واعملك فيس بوك وواتس اب عشان تعرفي تذاكري
ملك : ماشي
وراحت المدرسه وقابلت اناهيد
اناهيد : صباح الخير
ملك : صباح النور
اناهيد : عامله اي
ملك : الحمدلله ، وانتي عامله اي
اناهيد : الحمدلله
ملك : قوليلي بقي انتي في سنه كام
اناهيد : في تانيه ثانوي
ملك : وصعبه بقي ولا اي
اناهيد : كل حاجه صعبه من غير مذاكره
ملك : عندك حق
اناهيد : يلا بقي نحضر الحصص ، وهاتي رقمك عشان نبقي نتكلم بعد المدرسه
واخدوا ارقام بعض وبقوا أصحاب
ومر شهر من غير احداث جديده
وفي صباح يوم الجمعة
وهما بيفطروا
يحيي : انا هخلص اكل وانزل اصلي وعقبال ما اطلع تكونوا لبستوا
سندس افتكرت انه بيكلم يمني وملك
وقالت : رايحين فين
يمني : معرفش والله
يحيي : بقالنا كتير مخرجناش فقولت نخرج النهارده
سندس : طب كويس اخرجوا واتبسطوا
يحيي : وانتي معانا
سندس : بس
كلهم في نفس : من غير بس
سندس اتخضت منهم
وملك قالت : لو مخرجتيش مش هخرج
سندس : خلاص هخرج
كلهم فرحوا وهيصوا
ويحيي نزل صلي وخرجوا
وتمر الايام والشهور
لحد ما جه ميعاد نتيجه ملك
وكلهم كانوا قاعدين علي أعصابهم
وملك نزلت قابلت اناهيد
وراحوا يجيبوا النتيجه
ملك : انا قلقانه قوي
اناهيد : وانا كمان والله
ملك : صحيح انتي ادبي ولا علمي
اناهيد : يعني احنا اصحاب من اول السنه جايه وتسأليني السؤال ده يوم النتيجه
ملك : لما افتكرت بقي
اناهيد بضحك : ادبي
ملك : وانا كمان نفسي ادخل ادبي
اناهيد : طب يلا نشوف النتيجه وبعدين نشوف نفسك لي تدخلي ادبي
وراحوا شافوا نتيجه اناهيد الاول
ولقوها نجحت وفرحوا
ملك : مبروك يا قلبي
اناهيد : الله يبارك فيكي ، يلا بقي نشوف نتيجتك
وهما رايحين يشوفوها
قابلوا حسني
حسني : ازيكم يا بنات
ملك واناهيد : الحمدلله يا مستر
حسني : بصي يا ملك انا كنت قلقان منك بصراحه اول ما جيتي المدرسه هنا عشان المدرسه انترناشونال وانتي كنتي في مدرسه عاديه قبل كده
ملك قلقت من كلامه ووشها اصفر من الخضه
حسني مكمل كلامه
وقال : ولكن دلوقتي اقدر اقولك
- لقراءة باقي فصول الروايه أضغط على (رواية بائعة الورد)
