روايات كاملة
رواية بائعة الورد الفصل الرابع 4 بقلم إسراء محمد
اقرأ المحتوى بدون اعلانات والمزيد من المميزات عند الانضمام للتليجرام (دوس هنا)
رواية بائعة الورد الفصل الرابع 4 بقلم إسراء محمد
رواية بائعة الورد الجزء الرابع
رواية بائعة الورد البارت الرابع
رواية بائعة الورد الحلقه الرابعه
#الفصل الرابع
#بائعة الورد
عند ملك
مش عارفه تنام وعماله تفكر في يحيي و يا تري هو بيعمل معاها كده لي وقعدت تفكر لحد ما غلبها النوم
تاني يوم
صحيت ملك علي صوت زعيق
خرجت ملك شافت ابوها بيضرب امها
ملك بخضه : في اي يا بابا بتضرب ماما كده لي
ياسر : ملكيش دعوه وغوري البسي
ملك : طب اهدي بس يا بابا وسيبها
ياسر : انا قولت ملكيش دعوه وكلمه كمان هتضربي معاها
سها وهي بتضرب
قالت : ملكيش انتي دعوه يا ملك
ملك : بس يا ماما
ياسر : انتي شكلك عايزه تضربي معاها تعالي بقي
وكان هيمسكها لولا ان سها زقتها بعيد
وقالت لها : اجري علي اوضتك
ياسر : تغوري تلبسي وتنزلي علي طول
ملك : حاضر
جريت ملك علي الاوضه فعلا بس كانت خايفه علي مامتها
ولبست ونزلت شغلها بسرعه عشان متضربش هي كمان
سها قدرت تبعد ياسر
وقالت : حرام عليك يا راجل كل ده عشان كملت اكل امبارح
ياسر : حرمت عليكي عيشتك ، انا بضربك عشان قولت كلمه وانتي مسمعتيش الكلام
سها : ما انت عايز تمنعني من الاكل مش كفايه بتمنع بنتك
ياسر : قولتلك الف مره متقوليش كلمه بنتك دي تاني انا بكرها
سها : كل ده عشان جت بنت
ياسر : عشان انتي عارفه اني مبحبش البنات وانتي ساعت ما خلفتي جبتي بنت ومخلفتيش تاني
سها : يعني هو بمزاجي اني اجيب بنت او ولد ولا بمزاجي مخلفش تاني وبعدين انت عايز ولد متجوزتش تاني لي وريحتني منك
ياسر : عشان انتي قفلتيني من صنف الحريم كله
سها : ده انت اللي كرهت الواحد في عيشته منك لله يا اخي
ياسر : انتي بتقوليلي انا مني لله طب تعالي بقي
عند ملك
كانت ماشيه وهي حزينه وعماله تفكر لي ابوها بيضرب امها ع الصبح وبتفكر برضو يومها هيبقي عامل ازاي مع شريف
لحد ما وصلت المحل وكان مقفول فقعدت تستني في الشارع
بعد ساعتين شريف جه
شريف : انتي اللي مقعدك كده
ملك : ما انا مش معايا مفتاح وحضرتك اتأخرت
شريف : ما اتأخر براحتي انتي هتحاسبيني
ملك : والله ما اقصد بس انا بفهم حضرتك انا قاعده في الشارع لي
شريف : خلاص مش عايز لوك لوك كتير وامشي اكنسي وامسحي يلا
ملك : ما انا كنست ومسحت قبل ما امشي امبارح
شريف : وهتمسحي دلوقتي تاني واعملي حسابك من النهارده هتكنسي وتمسحي اول ما تيجي وقبل ما تمشي
ملك بقلة حيلة : حاضر
ودخلت فعلا تكنس بس وهي بتكنس دخل حد فجأة والتراب جه عليه
شريف : مش تفتحي يا عاميه انتي
ملك وهي باصه في الأرض من الكسوف : انا اسفه والله مكنش قصدي
الشاب : حصل خير
ملك رفعت وشها لما سمعت الصوت
وقالت : انت قصدي حضرتك
شريف باستغراب : وانتي تعرفي الاستاذ الحلو ده منين
ملك : انا معرفوش بس الاستاذ جه من كام يوم ياخد بوكيه من هنا
شريف : اه افتكرت اهلا يا استاذ اؤمر
يحيي : انا عايز بوكيه حلو وشيك بس ممكن انا اشوف الورد واختار بنفسي
شريف : اه طبعا اتفضل ، مع الاستاذ يا ملك اعملي اللي هو عايزه وياريت تغسلي ايدك قبل ما تعملي البوكيه عشان ميتوسخش
ملك : حاضر ، اتفضل يا استاذ
دخل يحيي مع ملك جوا
ملك : انت اي اللي جابك
يحيي : جاي عايز ورد
ملك : والله طيب اتفضل اختار
يحيي طلع شنطه صغيره من الشنطه اللي ماسكها
وقال : طب قبل ما اختار خدي الشنطه دي
ملك : اي دي
يحيي : دي سندوتشات جبتهالك عشان احتمال معرفش اجي بالليل
ملك : لا مش هاخد
يحيي : لا هتاخديهم ويلا بقي عشان الراجل الغتت ده مياخدش باله
ملك ضحكت وقالت : خلاص هاخدهم بس متجبش حاجه تاني
يحيي : حاضر
واخدت السندوتشات حطها في شنطتها
وقالت : طب عايز لون الورد اي بقي عشان اعمله
يحيي : اعملي بوكيه صغير كده علي زوقك
ملك : حاضر
وعملت البوكيه وكان ابيض وموڤ وادته ليحيي
يحيي : زوقك هايل
ملك : شكراً
يحيي : انتي بتحبي انهي لون بقي الابيض ولا الموڤ
ملك : الابيض
يحيي طلع ورده بيضه من البوكيه
وقالها : اتفضلي
ملك فرحت اوي بالورده واخدتها منه
وقالتله : شكراً
يحيي : الحساب كام بقي
ملك : 50 جنيه
يحيي : والحساب طبعاً عند ابو كرش اللي هناك ده
ملك بضحك : اه
يحيي : راح يحاسب
شريف : زوقك حلو اوي يا استاذ
يحيي : لا الصراحه هو زوق الانسه عشان احترت في الالوان وفي الاخر خلتها هي تعمله علي زوقها
شريف بتكشيره بسيطه : اه طيب ، الحساب كام يا انسه
ملك : 50 جنيه
يحيي : اتفضل
وسابه ومشي
وملك قضت اليوم بين زباين داخله وزباين خارجه ونسيت تاكل
وفي آخر اليوم
ملك : ممكن امشي يا استاذ شريف
شريف : مش لما تكنسي وتمسحي المحل الاول
ملك : مش قادره والله واوعدك الصبح هعمله حلو اوي
شريف : خلاص براحتك
فرحت ملك وكانت هتمشي بس يا فرحه ما تمت
شريف : بس اعملي حسابك ان اليوم هيتخصم منك
ملك وقفت بصدمه وقالت بينها وبين نفسها لو اليوم اتخصم بابا هيضربني واضطرت توافق
ودخلت كنست ومسحت وبعد ما خلصت
قالت : انا خلصت ممكن امشي بقي
شريف : لا مليش مزاج امشيكي
ملك : والنبي يا استاذ شريف لو اتأخرت اكتر من كده بابا هيضربني وانت عارف كده
فجأة لقيته ضربها
وقال : اسمها حضرتك وبعدين ما يضربك ولا يموتك انا مالي ، احنا فتحنا متأخر الصبح
ملك بتحاول تكتم دموعها : انا اسفه بس حضرتك اللي اتأخرت
شريف : انتي هتحاسبيني
ملك : والله ما اقصد ، بس ممكن حضرتك تديني نسخه من المفتاح اجي انا في ميعادي وافتح واكنس وامسح وحضرتك تيجي براحتك
شريف : اه وفي الاخر اجي القيكي سرقاني صح انتي هبله يا بت
ملك : والله ابدا انا مش هسرق حضرتك
شريف : انا هعمل نفسي مسعتش حاجه عشان ابوكي صاحبي
ملك : ماشي يا استاذ شريف ، امشي بقي
شريف قام ضربها قلم تاني
وقال : هي البعيده غبيه مبتفهمش
ملك والدموع بتنزل منها : انا اسفه
شريف : انا كنت عايز امشيكي معيطه كده يلا غوري
مسحت دموعها ومشيت بس وشها كان احمر من اثار الضرب
وصلت البيت
ياسر : اهلا يا اخرة صبري
سها : مالك وشك احمر كده لي وصوابع مين اللي معلمه علي وشك دي
ملك : استاذ شريف
ياسر : يبقي كسرتي حاجه في المحل عشان كده ضربك
ملك : والله ابدا ده ضربني عشان قولتله انت بدل حضرتك
ياسر : احسن تستاهلي
سها : تستاهل في عينك ، يارب ايده كانت اتقطعت قبل ما يمدها علي بنتي
ياسر : انتي محرمتيش من ضرب الصبح
وقام يضربها
دخلت ملك اوضتها
قعدت ع السرير بتعيط
وفجأة ….
- لقراءة باقي فصول الروايه أضغط على (رواية بائعة الورد)
