رواية قدر اخي الفصل الخامس عشر 15

في نهار جديد 

في المستشفى  وجهاز الامن  بيحاول في البحث و التحريات  لكل موظفي الشفت الليلي والدكاتره  والممرضات وتم اسألتهم ماعاد الممرضه  نرجس 

في مكتب مدير الامن واحد موظفي الامن

_تم استجاوب كل المستشفى  في الشفت الليلي والكل قدموا ادله  علي وجودهم في وقت اختفاء مدام نور.. ماعدا.. الممرضه نرجس

_ليه  هي مجتش الشفت بتاعها بعد كده 

_لا… وحد من طرفها قدمت اجازه ليها وتم الموافقه عليها 

_يبقي البنت دي وراها سر وهي سبب في اختفاء مدام نور… لازم تقطعوا اجازتها.. وتجبهوها فورا

_هبلغ اداره المستشفى  … حالا

في فيلا قدر 

كان قدر نايم  نوم عميق لدرجه انه مسمعش مكالمات حكيم له واللي خلي حكيم يقلق ويروحله  بنفسه  للفيلا.. باب غرفه قدر خبط واللي مسمعش. فاضطرت الشغاله  تفتح  الباب عشان تصحي قدر.. واللي كان نايم عاري الصدر،  قربت الشغاله مت سرير قدر. باحراج 

_قدربيه.. قدر بيه… اصحي يافندم… قدر بيه 

قدر اتفزع  واتخض من دخول الشغاله  لاوضته 

_في اي.. ومين اللي سمحلك  تدخلي لغايه هنا 

_انا خبطت يابيه كتير. وحضرتك  مسمعتش،. وكنت لازم اصحيك 

_ليه.. الدنيا اتهدت 

_حكيم بيه  تحت منتظرك من بدري 

قدر قام  ومسك موبيله واللي لاقي حوالي 20 اتصال من حكيم

_طب انجري انا نازله  اهو

بهدوء قدر قام واخد حمامه  وكانه عريس  ولبس ونزل لحكيم  وبكل برود 

_انت فين يااستاذ بتصل عليك من الصبح ولا كان في حاجه 

_كنت نايم.. واظاهر  مسمعتش من التعب.. الدنيا متهدتش 

_ والله..   مالك كده مرتاح  ونفسيتك كويسه  ولا كانك مراتك مخطوفه 

_ومين قالك  انها مخطوفه.. مايمكن مشت  لوحدها… 

وقدر قام  وقعد  جنب حكيم وبنظرات شك.. او ممكن حد ساعدها انها تمشي 

حكيم بعصبيه 

_انت مش طبيعي  . واظاهر ان نورا مش فارقه  معاك

_والله معتش حد فارقني.. واللي عاوز يمشي يمشي معنتش همسك في حد

حكيم  قام وبغضب 

_ماشي ياقدر… براحتك.. بس انا لازم ابلغ البوليس  وكنت مانع ابوها  انه يبلغ  بس فعلا وبعد اللي شوفته  لازم يبلغ فورا

حكيم قام  عشان يمشي فجاءه التفت بظهره لقدر ورفع صباعه في وشه 

_لو طلع انت السبب في اختفاء نورا.. مش هرحمك 

قدر اتفاجيء من جرأه  حكيم 

_انت اتجننت انا هاذي نورا.. ماتحاسب علي كلامك

_والله شوف طريقتك وبرودك  وحالتك ومراتك مختفيه  وتعالي حاسبني علي كلامي…. سلام

حكيم مشي ورزع  الباب.. وقدر بغضب بيندهه  علي الشغاله 

_انتي يازفت 

_نعم يابيه

_فين قهوتي.. عاوزها حالا….

حكيم مشي وركب عربيته  وطلع بسرعه وفي حته مقطوعه  ركن عربيته  وكانت في عربيه  وقفه  بعيد..  وقبل ماينزل… غير حكيم  الجاكت بتاعته ولبس قميص  ووغير من شكله  وبدا يظبط  نفسه في مرايه العربيه   وحط شنب ولبس طاقيه ونضاره  .. حكيم فعلا بقي عامل زي الحرامي اللي بيقفل خزن  … قفل عربيته ونزل ومشي ووصل للعربيه اللي كانت مستنياه واول ما ركب جنب اللي سايق العربيه

_اي دا انت شكلك بقي عامل كده معنتش حكيم خالص، بقيت  شلادم 

_اهو اي حكايه وزي ماقولت  اما اشوف اخرتها معاك 

_انت اللي طلبت تكون معايا ومشتغلش لوحدي.. اقولي  انا كده تمام 

_اه.. انت اصلا محدش هيعرفك..  وبعدين لبسك  مش دكتور اصلا 

_انت نسيت  اني الياس وممكن قدر يعرفني… يلا استعد.. 

_انت عرفت مكان نرجس  ازي 

فلاااااش باااك

_الو دكتور يامن انا دكتور هشام 

_ايوه ياهشام  … جبتلي اللي طلبته منك 

_العنوان بعتهولك  علي الواتس..  وكمان عرفت انها مختفيه  ومافيش اجراء ضدها حصل 

_انت متاكد.. من اللي بتقوله

_ايوه يادكتور

_تمام

بااااااك

_طب يلاااا… وخلي بالك يامن اي غلطه  فيها روحنا 

يامن وحكيم اتنكروا  ووصلوا  لفيلا قدر ووقفوا بعيد بس بيراقبوا  مدخل الفيلا ومنتظرين  خروج قدر 

_انت متاكد قدر جو 

_عربيته اهو… واقفه اهي… وانا خرجت..وعارف انه   هيشرب قهوته  

_ماشي… اديني مستني… ياقاتل يامقتول انا لازم اوصل لنورا انهارده

_انت مش معاك  عنوان نرجس.. مانروح  عليها وخلاص 

_افرض روحنا وملقناش نرجس ولا عرفنا طريق نورا… هنكون  كشفنا نفسنا وبس 

_طب ليه متاكد انه هيروح لنرجس 

_عشان هي اللي معاه السر وهي اللي هتوصلنا  لنورا

فجاءه  قدر خرج من الفيلا…  وهو بيتكلم في موبيله  وركب عربيته  ومشي.. ويامن طلع ورا  قدر.

قدر كان بيكلم في موبيله 

_نرجس… اي يابت لسه نايمه  نموسيتك كحلي 

_جرا اي ياباشا..  انت اللي شقي وسهرتني لوش الصبح

_طب فوءي وخلي بالك من الهديه   علي ماجاي… 

_عنيا ياباشا… هتيجي امتي 

_هعدي علي الشركه واجيلك  

_مستنياك 

قدر طلع عليالشركه… عشان يطمن علي، الشغل،.. ويامن وحكيم  في العربيه  منتظرين خروج قدر من الشركه 

_احنا هنمشي وراه في كل حته كده 

_ايوه  لغايه مايروح لنرجس.. واطمن انها وراها السر،  .. لو قدر راح هناك يبقي السر عند نرجس 

وفي وقت ماكان بيتكلموا  قدر خرج من عربيته  ومشي، ويامن وراه…

قدر مشي من الشركه وطلع بعربيته علي نرجس ويامن وراه 

_اااه دا راح العنوان  .. هانت ياحكيم 

_طب خلي بالك… لحسن ياخد باله ان حد وراه 

_متخافش…. 

قدر وصل لبيت نرجس وطلع  .. وشكله كان مستعجل، خبط علي نرجس ونرجس فتحتله

_حمدالله على السلامة ياباشا.. وحشتيني 

_وانتي كمان يانرجس.. ها فين لسه نايمه 

_ايوه كل ساعتين بديها حقنه مخدر لحسن تصحي… وتصوت وتلم علي الدنيا

_خلي بالك منها يانرجس… عارفه لو حصلها حاجه.. هزعل.. وانا زعلي وحش 

_وانا مقدرش علي زعلك ياباشا

قدر قعد ساعه مع نرجس.. يشرب وترقصله… لغايه ماداخ

ويامن وحكيم  زهقوا من الانتظار 

_اف اخوك بيهبب ايه دا كله فوق 

_انا عارف انت اللي بتعرف بلاويه

_بحزن.. حكيم…. ايوه عارف ويارتني ماكنت اعرف.. 

قدر نزل وحالته جاكته علي ايده  وقميصه صدره مفتوح  وطالع من البنطلون وبيطوح لغايه ماركب عربيته ومشي 

_ها هنطلع وراه ولا اي 

_حكيم بطل غباء… علي فكره هو اللي سكران مش انت… صحصح.. احنا هننزل وهنطلع لنرجس.. 

_اي.. نطلع.. عادي كده

_خايف..  هطلع انا لوحدي 

_باستسلام.. لا هطلع معاك

يامن وحكيم نزلوا من العربيه.. ودخلوا بيت نرجس واللي كان من دور واحد.. يامن خبط علي الشقه.. ونرجس فتحت الباب 

نرجس_ايوه مين

يامن_ست نرجس موجوده  الحكيمه

نرجس_هيهيهي. يسمع منك ربنا.. انا يابهوات 

حكيم_انتي الست نرجس 

نرجس_ايوه ياامز

يامن _طب ياستي كنا عوزينك في مصلحه ودلوني عليكي… وطلع رزمه فيها فلوس كتيره 

نرجس_اؤمر ياباشا

حكيم_هنتكلم واحنا واقفين

نرجس_لامؤخذه انا لوحدي وماينفعش ادخلكم

يامن_ونعمه التربيه… بصي ياست  عندنا سته كبيره عاوزينك تراعيها لمده شهر 

نرجس_وماله  موافقه.. وشدت الفلوس من ايده

يامن_بكره نجي نخدك  تقعدي معاها 

حكيم… لوسمحتي كوبايه مايه لحسن عندي زغطه

نرجس… هيهيهي.. عيوني ياقمر 

نرجس راحت تجيب المايه وطلعت تديها لحكيم ويامن وفجاءه اترش عليها مخدر  ووقعت بكوبايه ميه  علي الارض… حكيم فضل يراقب الدنيا بره

وهنا يامن جري جوا الشقه. وبدا يفتح في الاوض.. ملقاش حد فتح التانيه… واتفاجيء بنورا نايمه  غيبه في الوعي.. يامن  شال نورا بسرعه 

_حكيم…. بسرعه يلاااا بسرعه ورش عليها  المخدر كله وربطها 

حكيم  شال نرجس ونيمها في السرير وربطها في السرير بحبال كانت معاه 

ويامن وحكيم نزلوا وحكيم أمن النزول وركبوا العربيه وطلعوا  بالعربية بسرعه

يامن وحكيم  في العربيه  وكانوا فرحنين انهم لاقوا نور 

_الحمد الله اننا لاقناها… هنوديها فين كده بلاش فيلا جون

_متخفش  هنطلع  علي شقه  ابويا مقفوله من سنين  .. عارف عنوانها ولانسيته 

_اه فاكره…. 

حكيم ويامن وصلوا الشقه  وكان يامن شايل نورا… ونايمها في السرير… وبدا يمسح وشها 

_حكيم شكلها وخده مخدر… هكتبلك  علي ادويه وفيتامينات  تجبها حالا 

_حاضر…  انا كده نازل عشان اجبلكم اكل 

_اهم. حاجه تكون موجود…  عشان تطمن  لانها مابعد ماافتكرت ناسيه الياس… وطبعا مش هتعرفني بملامحي دي 

_حكيم طبطب علي يامن… حاضر مسافه السكه مش هتأخر

في ساعات الفجر الاولي 

كانت نورا بتفوء… وكان يامن قاعد جنبها… وكان نايم وهو قاعد غصب عنه… وحكيم كان نايم  بره  .. نورا بدات تفتح عيونها… ونظراتها كانت تايهه بين جدران الاوضه وبدات تسمع  صوت.. حد نايم… والتفت براسها لاقت  يامن نايم.. بدات تعدل نفسها وتقوم وهي بتنسد ايدها  علي الكوميد اللي جنب السرير وقعت دوا واللي عمل صوت  ويامن اتفزع

_انا فين… وانت مين….  وبدات تخاف…. ولسه هتصرخ

_متخافيش….  اهدي…  انا اللي انقذتك… اسمعيني وانا افهمك 

نورا…  بدات تصرخ…. وبتبعد وماسكه هدومها  لحد يتهجم عليها 

يامن بصوت عالي 

_حكيم.. حكيم… تعالي بسرعه… نورا فاءت

حكيم قام يجري ودخل بسرعه… واتصدمت وبداءت تهدا 

_حححححكيم

نكمل الحلقه الجايه 

النهايه قربت 

محدش. يقولي بتتاخري ليه  لما الاقي التفاعل مشجع بكتب