روايات كاملة

رواية لأجلك أكون الفصل الثالث 3 بقلم عبير حسان

رواية لأجلك أكون الفصل الثالث 3 بقلم عبير حسان

رواية لأجلك أكون البارت الثالث

رواية لأجلك أكون الجزء الثالث

رواية لأجلك أكون كاملة (جميع فصول الرواية) بقلم عبير حسان
رواية لأجلك أكون كاملة (جميع فصول الرواية) بقلم عبير حسان

رواية لأجلك أكون الحلقة الثالثة

 

 

بصتله بإستغراب واستنكار: اللى هو إزاى يعني، وهي مرات أخوك أنت هتجنني
كمل بنفس الهدوء: أسما أختي يا نعمه في الرضاعة، بالنسبه إزاى مرات أخويا أكيد مش هقولك هنا تعالي معايا
اخدنا وقعدنا على النيل: بصي خالتي أسماء رضعتني مع أسما فبقيت أخوها في الرضاعة وأخوات أسما الرجاله و البنات أخواتي بردو يعني محرمين عليا زي أمي وأختي، بس مينفعش ياسر أخويا يكون أخوهم عشان هو مرضعش من خالتي هو رضع من أمي وفعادي يتجوز أسما عشان مش محرمه عليه، قد قال الله – تعالى – في المحرمات من النساء: “وأمهاتكم التي أرضعنكم وأخواتكم من الرضاعة وأمهات نسائكم” . وقال رسول الله صلى الله عليه وسلم : “يحرم من الرضاع ما يحرم من النسب، ومعلومة ليكي عدد الرضعات المحرمة و اختلف عليها آراء الفقهاء في عدد المرات التي تحرم: فقال علماء الأحناف والمالكية: قليل الرضاع وكثيره سوءا في التحريم ولو مصة واحدة. وعند الشافعية والظاهر من مذهب الإمام أحمد أنه لا يحرم إلا ما كان خمس رضعات متفرقات مشبعات فأكثر.
فهمتي
نعمه بتفهم: يعني ياسر مش أخوهم ويجوز ليهم عادى، أم أنت لا عشان أخوهم وعشان أنت اللى رضعت معاهم
مصطفي بتنهيدة: أيوه يا نعمه هانم فهمتي بقا، شوفتي أنتي عملت فيا إيه وصلتينا لايه بسوء ظنك ده
نعمه بشعور بالذنب: حقك عليا يا مصطفى، بس كان المفروض تقولى بردو إزاي مراتك ومعرفش حاجة زي دى
مصطفى: أنا كنت هعرفك بس أنت قفلتي ومدتنيش فرصة وأنتي عارف إنه ياسر وأسما كانوا مسافرين من زمان، غير كده لدرجة دى مفكره إني ممكن أذيكِ يا نعمه ومش واثقه فيا ولا في حبي ليكي
نعمه ببكاء: أنا آسفة والله عقلي وقف كنت هتجنن، كنت بدور على أي مبرر بس ملقتش يا مصطفي أنا كنت هموت
مصطفى شدني لحضنه: بعد الشر عليكي يا وصية رسول الله، حقك عليا بس والله حاولت واصلك معرفتش أنا كمان كنت هتجنني لما ريم قالتلي إنك تعبانه والكلام الفاضي اللى قولتهولها ده
نعمه بضعف: حقك عليا
مصطفى شدني لحضنه أكتر: اللى بيحب مبيذيش يا نعمه وأنا عديت مرحلة الحب معاكي وعمري ما اخذلك في يوم
نعمه بدموع: وأنا عمري ما هسوء الظن فيك تاني يا مصطفى، أنت كل حاجة حلوة في حياتي
باس رأسي هو بيقولي: أنتي غالية ودموعك غالية أنت كل حاجة يا نعمه، أنت الحب
رجعنا البيت ولقيت ماما وريم منتظرينا وأسما وياسر عندنا، عرفت إنه مصطفى لم عرف من ريم الحالة اللى كنت فيها صمم ينزل وكمان يجيب معاه اخوه ومراته، كان خايف مصدقهوش طيب حد يقولى إزاى وأنا بس كنت مستنيه مبرر مش أكتر، أنا مقدرش أكمل من غير مصطفى ما قولتلكم ده الأمان ومش بس كده ده العوض ومش معقول عوض ربنا يبقى وحش أو شر.
مصطفى: نعمه تعال عاوزك
نعمه: جايبنا البلكونه ليه، في حاجة
مصطفى بترقب: زي ما عارفة أنا نزلت فجاة وفي ورق لسه مخلصش و
قطعته وأنا بقوله: سافر يا مصطفى متقلقش، أنا اتعلمت من الدرس ولو مكنتش حصل كده يمكن قلبي مكنتش اطمن بالشكل ده وعرفت إنه أي حاجة بتحصل في حياتنا ليها سبب وممكن بنتعلم منه وممكن يكون هو الخير لينا، المرة دى هقولك سافر وأنا واثق فيك بشكل مش هتصدقه
مصطفى باس إيدي: وعشان الكلام الحلو ده أنا مش همشي غير بيكي، أنا قدرت اعمل مبلغ بسيط بس المهم تبقي معايا
بصتله بفرحه: بجد يا مصطفى، أنا مبسوطة أوى بس ماما وريم أنا مقدرش اسيبهم لوحدهم هنا و
مصطفى: متكمليش يا نعمه، أنا عارف هم إيه بالنسبالك وريم أختي وأمك أمي من بعد أمي الله يرحمها، ومش هسيبهم لوحدهم هنا هناخدهم معانا بس هنسافر أنا الأول واضبط دنيا وإن شاء الله ابعت اجيبهم
بصتله وأنا عيوني بتلمع: أنت زي كده
بصلي وضحك: كده إزاى يعني
مسكت إيده: جميل بشكل مبهر
باس إيدي هو بيقول: بسببك يا نعمه، كل نعمه حلوة في حياتي بسببك
دخلت ريم: ياا الناس ياهوو جوزوني بقا، إيه الجمال ده
نعمه بضحك: يابنتي أنتي مش هتبطلي تفصلينا
ريم: لا يا حبيبتي أعيش واتفرج وأدعي، بقولك إيه يا مصطفى أمك مجبتش غيرك أنت وياسر؟
مصطفى بضحك: جابت آدم بس ده صغير عليكي
ريم بفرحه: مش مهم اربيه أنا بس اهو الحق اي حاجة من عايلتكم الرومانسية دى، ده أسما قالت اه يا رجلي ياسر خدها وطار على دكتور
فضلنا نضحك ونهزر
بعد أسبوعين اتجوزنا الحمدلله ومصطفى نفذ كلامه وخلى ماما وريم يجوا وعاشوا في شقة اللى جنبنا
ليس مُبهر كَما تظنُّ، ولكنَّ قلبِي من جعلكَ تُحفةً فنِّيةً مُلفتٌ لِلآخرين.
لعبير حسان
بعد حوالى تسع شهور في المستشفى
نعمه بصويت: حسبي الله فيك يا مصطفى
مصطفى بقلق وهو ماسك أيديه وهي داخلة العمليات: خلاص يا نعمه معلش، مش قاعدتي تقوليلي أنا بحبك يا مصطفى وعاوزه منك عيال يا مصطفى، اهو هنجيبهم
نعمه بعصبية وهي بتنفخ: طلقني يا مصطفى طلقني
مصطفى بحب: اهون عليكي يا حبيبتي
نعمه مسكت إيده وهي باصه في عيونه: لا يا حبيبي
دخلت ريم هي وبتشد ايد نعمه: مش وقته يا حبيبتي أنتي بتولدى صوتي
نعمه بصتلها وبدأت تصوت وتحسبن في مصطفى
مصطفى راح يصلي ويدعيلها: يارب قومهالى بالسلامة هي وأطفالي وأجعلهم نعمه زيها وذرية صالحة زيها، يارب أجعلها نعمتي في دنيا والآخرة، يارب قومهالى بالسلامة…بدموع.. مش عاوز غير تقوم بخير يارب
والحمدلله نعمه ولدت بخير وانعمها بطفلين يوسف ومريم ( لعبير حسان)
بعد ٧ سنين من زواجهم وتربية أطفالهم واللى أكيد كانت متعبة بس نعمه ومصطفى حاول قد ما يقدروا يربوهم سوا بالشكل الصحيح والصالح
مريم ويوسف: بابا..بابا جه
مصطفى وهو بيشيلهم على كتفه: حبايب وقلب بابا، بص حوليه امال فين نعمتي
نعمه بابتسامة جميلة: أنا هنا يا حبيبي تعال يلا عشان تاكل
بالليل كنا قعدين وكنا عملين أنا ومصطفى كل يوم نص ساعة ليوسف ومريم نعلمهم حاجة في الإسلام
مصطفى: إمبارح أخدنا إيه يا شطار
يوسف ومريم: إزاي نعامل الناس بالحسنة وبر الوالدين، والنهارده هناخد أركان الإسلام
مصطفى بحب: قولي يا نعمتي أركان الإسلام
نعمه بطاعة: عن أبي عبد الرحمن عبد الله بن عمر بن الخطاب رضي الله عنهما قال : سمعت رسول الله صلى الله عليه وسلم يقول : ( بني الإسلام على خمس: شهادة أن لا إله إلا الله، وأن محمدا رسول الله، وإقام الصلاة، وإيتاء الزكاة، وحج البيت، وصوم رمضان) رواه البخاري ومسلم .
مصطفى: راضي الله عنك يا وصية رسول الله، دلوقتي هنفهم بطريقة مبسطه أهميتهم…مسك مكعبات الأطفال…شايفين المكعبات دى دلوقتي هنعمل بيها بيت جميل، أولا عشان تعمل البيت محتاج الأدوات اللي هتساعد على البناء الأول، ودى هنمثلها بالشهادة وهي كلمة التوحيد ( أشهد أن لا إله إلا الله وأشهد أن محمد رسول الله) فهي المفتاح الذي يدخل به العبد إلى رياض الدين، زي بالضبط لما تجيب حاجات البناء دى عشان تبني بيها بيتك الجميل واللى هو هيكون في الجنة إن شاء الله، ثانيا الصلاة وأول ما يحاسب عنه العبد يوم القيامة دى هتبقي أساس البيت ينفع تبنوا البيت من غير أساس يسنده أو ينفع الأساس يبقى مهزوز!
نعمه ويوسف ومريم: أكيد لا
مصطفى باستكمال: عشان كده مينفعش ابدا نسيب الصلاة ولا اي عذر مقبول لتاركها وعشان بيتكم يديم لوقت أطول محتاج تثبت الركن ده كويس جدا، تالت حاجة هتعملوها هو إنكم هتطلعوا بالدور الأول وده الذكاء قال الله سبحانه وتعالى في كتابه الكريم : { خذ من أموالهم صدقة تطهرهم وتزكيهم بها } ( التوبة : 103 )، وبعد كده هيجي الفرض الرابع ووهو الصيام وهو زيادة الإيمان القوي ويشحذ همت العبد ليواصل السير في درب الطاعة بعد رمضان، ولصيام رمضان فضائل عدّة، فقد تكفل الله سبحانه وتعالى لمن صامه إيمانا واحتسابا بغفران ما مضى من ذنوبه وده هيكون الدور تاني لبيتكم، والدور التالت والأخير هو الحج فُرض في السنة التاسعة للهجرة ، يقول الله تعالى : { ولله على الناس حج البيت من استطاع إليه سبيلا } ( آل عمران : 97 )، وكمان جاء في الحديث : ( من حج هذا البيت فلم يرفث ولم يفسق ، رجع كيوم ولدته أمه) رواه البخاري ومسلم. وكده يا أحباب الله تكون أركان الإسلام خلصت واحنا عملنا تشبيه بسيط ببنى البيت لكن هم أعظم من كده بكتير
يوسف: يعني يا بابا كده لو أنا عملت الأركان دى بشكل صحيح هبني بيتي في الجنة
مصطفى: طبعا يا بابا، من ينفذ أوامر الله ويمشي على سنه رسوله هيدخل الجنة وكمان هيكون ليه البيت اللى بيتمناه وأكتر
نعمه بحب: مين يا حلوين فيكم عاوز بيته يبقى جميل جدا والوانها وشكل تصميمه يبقي تحفه
كلهم ردوا بتمنى: أحنا
نعمه باستكمال: طلما بنيته البيت واسسته الأساس بتاعه كويس، فشكله الخارجي والداخلي هيبقى جميل بتنفيذ سنن الرسول ومن نوافل إلي أدعيه واستغفار وتسبيح وتعامل بالمعروف مع الناس لو اهتميته بده كله بيتكم هيكون أجمل بيت
مريم ويوسف: حاضر يا ماما أحنا هنعمل كده وهنخلي بيتنا قوي عشان ميقعش بسرعة وهنبدأ بالصلاة بعد كلمة التوحيد
فتحت ايدي وضمتهم ليا: حبايب ماما يا الناس
وفجاة بقينا كلنا في حضن مصطفى بعد ما ضمنه ليه وهو يردد: ربنا يباركلي فيكم يا نعمتي في الدنيا والآخرة
” أوقات بنحب وأوقات بنفارق الناس، ولكن الحب الحقيقة عمره ما بياذي لو مكنش خير مش هيكون شر، لذلك لو لقيت حبك الحقيقة فاطمئن على حياتك ولا تجعل القلق يفسد الطمأنينه”.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق